69
Ha’r tu’rli taw jınısların suwdın’ tu’rlishe o’tkiziwin to’mendegi ta’jiriybede
ko’rsetiw mu’mkin:
- eki shiyshe sharshar shtativte bekitiledi h’a’m olardın’ to’mengi tesigi
paxta menen bekitiledi;
- birinshi kolbag’a yarım stakan saz (topıraq), ekinshisine yarım stakan qum
salınadı;
- sharsharlardag’ı saz h’a’m qum u’stine yarım stakan suw quyıladı;
- ta’jiriybede suw qumnan tez o’tiwi h’a’m sazdan ju’da’ a’sten o’tiwi
anıqlanadı;
- suw bag’darı h’a’m onın’ qum yaki topıraqtan o’tiw waqtın belgilep jer astı
suwları tazalılıg’ın anıqlaw mu’mkin.
Bunnan basqa h’a’r tu’rli taw jınıslarının’ suwda eriwshen’liligin de
u’yreniw mu’mkin.
Bunın’ ushın tsilindrge suw quyıladı h’a’m og’an u’yrenilmegen taw
jınıslarının’ bir bo’legi salınadı h’a’m onın’ tolıq eriw waqtı baqlanıladı. Erigen
taw jınıslarına h’a’r tu’rli duzlar, topıraqlar h’a’m qum taslar kiredi.
Usı ta’jiriybeler tiykarında oqıwshılar tu’rli taw jınıslarının’ tu’rlishe suw
o’tkiziwine h’a’m jer astı suwlarınnın’ h’a’reketi h’aqqındag’ı bilimlerge iye
boladı.
