70
- eki ıdıstag’ı suw h’a’m topıraq lampa ja’rdeminde qızdırıladı h’a’m 6-7
minuttan son’ temperaturalar ja’ne qaytadan o’lshenedi;
Termometrde alıng’an mag’lıwmatlar oqıtıwshı ta’repinen klass taxtasına
jazıladı, oqıwshılar bolsa da’pterlerine jazıp aladı.
Mag’lıwmatlar to’mendegi tablitsa formasında ko’rsetiledi.
5-keste
Ju’ze
Temperatura da’rejesi
Parqı
Da’slepki
Qızdırılg’annan son’
Suwıtılg’annan son’
Suw
14
18
16
2
Topıraq
14
39
14
25
Suw h’a’m topıraq temperaturasındag’ı parqının’ u’lkenligi topıraq, yag’nıy
suwg’a qarag’anda tezirek ısıp tezirek suwıwına oqıwshılarda isenim payda
boladı. Bul qurg’aqlıq h’a’m okeanda klimattın’ h’a’rqıylılıg’ın tiykarlap beredi.
Bult h’a’m jawınnın’ payda bolıwın ta’jiriybede ko’rsetiw ushın ba’lentligi
25-30 sm keletug’ın shiyshe ıdıs (tsilindr) alınadı. Idıstın’ diywalı terlemewi ushın
ol bir az qızdırıladı. Idıs ishine suw salınadı h’a’m spirtli lampada qızdırıladı.
Idıstın’ qaqpag’ının’ to’besine muz salıp qoyıladı, muz astında bult (puw) payda
boladı, son’ onnan jawın (suw tamshıları) ajıralıp shıg’a baslaydı. Demek,
oqıwshılar bultlar h’a’m jawınlardın’ qanday payda bolıwın klass sharayatında
u’yreniw h’a’m usı protsessti tolıq baqlaw mu’mkinshiligine iye boldı.
