68
h’a’m saz salınadı son’ banka silkitiledi. Silkiw protsesinde qum h’a’m saz ılay
suw menen aralasadı h’a’m ılay payda boladı. Sonnan keyin banka stol u’stine
qoyılıp tındırıladı. Tındırıw protsesin oqıwshılar baqlap turıwları kerek. Tındırıw
protsesinde banka tu’bine da’slep awır jınıs yag’nıy, qum tu’sip qum qatlamı
payda boladı son’ jen’ilirek saz qatlamı sho’ge baslaydı h’a’mde qum qatlamı
to’besine saz (ılay) qatlamı h’asıl boladı, onın’ to’besine suw qatlamı jaylasadı.
Ta’jiriybeden son’ oqıtıwshı klassqa to’mendegi sorawlar beriledi:
Qaysı taw jınısları aldınıraq sho’kti?
Qaysı taw jınısları keyinirek sho’kti?
Ne ushın ıdıs tu’binde payda bolg’an jınıstı sho’gindi taw jınısı dep
ataladı?
Sho’gindi taw jınısları qanday belgilerge qarap anıqlaw mu’mkin?
Taw sistemaları qatparlanıwının’ payda bolıwın ko’rsetiw ushın 20-30 dana
qag’azın yaki oqıwshılardın’ da’pterlerinen paydalanıw mu’mkin bunın’ ushın
qag’azlar qatlamı yaki klass da’pteri stol u’stine gorizontal jag’dayda qoyıladı.
Son’ eki ta’repinen sıg’ıladı, na’tiyjede taw dizbegi h’a’m dizbekler arasındag’ı
alaplar payda boldı. Vertikal qatlamı bolsa qatparlanıwının’ ju’zege keliwin
ko’rsetedi. Bunnan tısqarı gorst h’a’m grabenlerdin’ payda bolıwın plastilinnen
paydalanıp oqıwshılarg’a ko’rsetilse de boladı.
