77
-mazmunına qaray: ta’biyiy geografiyalıq, ekonomikalıq,
temir jol, oqıw
atlasları h’a’m t.b bolıp bo’linedi.
Ha’r bir klass ushın oqıw atlasları baspadan shıqqan. Ma’selen: 5-klass
atlası, 6-klass atlası, 7- klass atlası, 8-klass atlası, 9-klass atlası.
Oqıw atlasları to’mendegi talaplarg’a juwap beriwi kerek:
- atlasta ko’rsetilgen geografiyalıq ortalıq h’a’m qubılıslar sanı sabaqlıqtan ko’p
bolmawı kerek;
- atlas oqıwshılar ushın mag’lıwmatnama wazıypasın orınlanıwı kerek;
- atlasta geografiyalıq atamalar sisteması bolıwı kerek.
- Atlasta kartalar sanı 40-45 ten kem bolmawı kerek.
Jazıwsız kartalar.
Olar geografiya ta’liminde ken’ qollanıladı. Olar
tiykarınan oqıw h’a’m baqlaw maqsetlerinde qollanıladı.
Jazıwsız kartalar oqıw maqsetlerinde to’mendegi jag’daylarda qollanıladı:
- Jazıwsız kartada geografiyalıq barlıq atamalardı tu’siriw (da’rya, ko’l, ten’iz
h’a’m.t.b.) arqalı geografiyalıq atamalardı oqıwshılar ta’repinen jaqsı eslep qaladı;
- tawlar, da’rya basseynleri,
izotermalar, ta’biyat zonaları shegaraların jazıwsız
kartag’a tu’siriw;
- ma’mleketlerdin’ shegaraların jazıwsız kartag’a tu’siriw;
- ekonomikalıq rayonlardı jazıwsız kartag’a tu’siriw;
Jazıwsız kartalardan baqlaw ma’qsetinde de paydalanıladı. Bunın’ ushın
to’mendegi sha’rtler orınlanıwı kerek:
- klasstag’ı h’a’mme oqıwshılarda bir tu’rdegi jazıwsız karta bolıwı kerek;
- h’a’mme oqıwshılar ushın bir tu’rdegi sha’rtli belgiler beriliwi kerek;
