Laboratoriya ishi - 19
Sulfat tsellyulozasi va mochevina - formaldegid oligomerlarining suvdagi eritmasi asosida aminoplast tayyorlash
Ushbu ishda talaba plastik massalarni eritmadagi oligomerlar asosida ishlab chiqarish texnologik jarayoni bilan tanishadi.
Xom ashyo: karbamid -formaldegid oligomerlarining suvdagi eritmasi (hisoblanganda quruq massasi) - 55g; sulfat tsellyuloza - 45g; litopon 0,5 g; rux stearati - 0,5g; ftal angidridi - 0,5g yoki shavel kislotasi - 0,4g.
Jihozlar: ikki lappakli aralashtirgich; isitish shkafi; emallangan kyuveta; sharli tegirmon; press; termostat; presslash va tabletkalashga shakllar.
Karbamid - formaldegid oligomerlarining suvdagi eritmasi sekinlik bilan to`ldiruvchi, litopon (pigment) va rux stearat (yog`lovchi modda) aralashmasiga qo`shiladi. Aralashma mexanik ravishda 30 minut mobaynida gomogen holga kelguncha aralashtiriladi. Aralashtirish tugallanganidan so`ng mahsulot shisha yoki emallangan kyuvetada 70 - 75 oC da termoshkafda qattiq holgacha quritiladi. (3,5 - 4 soat davomida). Press kukunning namligi 3%dan oshmasligi lozim. Quritish tugallangach material sharli tegirmonda 3 soat maydalanadi. So`ngra kukunga ftal angidridi (yoki shavel kislotasi) qo`shilib, yanа 1 soat aralashtiriladi.
Press kukun tarkibidagi namlikni aniqlash;
Buning uchun press kukundan 1g olinib termostatda 30 minut mobaynida 105 oC da ushlab turiladi. Yo`qolgan massa miqdori 5% dan ko`p bo`lmasligi lozim. Xisoblash quyidagi tenglama yordamida amalga oshiriladi:
Bu erda: a - quritilgan kukun oqirligi,
b - kukunning quritishgacha og`irligi.
Press kukun dastavval tabletkalanadi. Tabletkalar soviq holda yoki 30 - 35 oC gacha qizdirilgan tabletkalovchi mashinalarda yoki zarbiy presslarda olinadi. Tabletkalarni yuqori chastotali tok yordamida yoki termostatda qizdirib olinadi. So`ngra tabletkalar 135 oC gacha qizdirilgan shakllarga solinib, avvaliga 10 MPa bosimda (bu bosim tezda tushiriladi), so`ngra 20,6 MPa bosimda kerakli vaqtda presslanadi. Pressda ushlab turish vaqti 30 sek/mm hisobida olinadi. Olingan mahsulot sifatli bo`lishi lozim.
Topshiriq.
1. Press - kukun tarkibidagi namlikni aniqlang.
2. Press - kukundan presslab olingan namunalarni egilishdagi va zarbiy mustahkamligini hamda suv yutishini aniqlang.
Adabiyotlar:
1..Magrupov F.A. "Sintetik va tabiiy yuqori molekulali birikmalar kimyoviy texnologiyasi" fanidan ma`ruzalar matni.Toshkent 2007.
2.A.P.Grigor'ev, O.Ya.Fedotova "Laboratorniy praktikum po texnologii plasticheskix mass" Moskva, Vis.shk. 1986.
3.Magrupov F.A.,Polimerlar va plastik massalar texnologiyasidan laboratoriya amaliyoti.Toshkenт 2007, (elektron variant)
Laboratoriya ishi - 20
Perxlorvinil polimerini eritmada olish
Ushbu laboratoriya ishini bajarishda talaba polimerlarni madifitsirlash reaktsiyalarida qatnashib yangi xil polimerlar xosil qilish texnologik jarayoni bilan tanishadi.
Reaktsiya quyidagi sehama bo`yicha amalga oshiriladi:
Agarda polivinilxlorid tarkibida 56,8% xlor bo`lsa, perxlorvinil polimerida xlorni miqdori 65% atrofida bo`ladi.
| 