Laboratoriya ishi - 16
Furfurol asosida oligomer va plastik massa olish
Bunda quyidagi strukturaga ega oligomer xosil bo`ladi:
Xom ashyo: yangi xaydalgan furfurol - 40g; geksametilentetramin - 10g; tsink xloridi - 1g; kaolin - 25g; kaltsiy stearati - 1g.
Jixozlar: qaytar sovitgich, aralashtirgich va termometr bilan jixozlangan uch bo`yinli kolba; Libix sovitgichi; farfor likopchasi; yuqori xaroratda qaynaydigan suyuqlikli hammom.
Kolbaga furfurol bilan geksametilentetramin solib aralashtirgich ishlatiladi. qaytar sovitgichni ishlatib reaktsion aralashma qaynash xaroratida 8 - 12 soat ushlab turiladi. Reaktsiya kolbadagi bo`sh furfurol miqdorini o`zgarmaydigan holga kelganida to`xtatiladi. Shundan so`ng qaytar sovitgich to`g`ri sovitgichga almashtirilib, aralashtirgich to`xtatiladi va bug` xarorati 110 - 115 oC da engil uchuvchilar xaydab yuboriladi (kolbadagi massaning xarorati 160 - 180 oC bo`ladi). Tayyor oligomerni farfor idishiga quyib olinadi.
Oligomer asosida press - kukun olish uchun, 20g oligomerni 1g kaltsiy stearati, 25g kaolin va 1g ZnCl2 bilan valtsda aralashtiriladi. Oldingi valni xarorati 110 - 120 oC, orqa valni xarorati 80 - 90 oC bo`lishi kerak. Valtslangan materialni maydalab olinganidan so`ng 160 - 200 oC da 40 min. qizdirib olinadi. Tayyor press-kukundan 180 - 250 oC xaroratda 30 - 40 MPa bosimda xar bir mm. qalinligiga 1-2min. dan ushlab standart namuna presslab olish mumkin.
Topshiriq
1. Oligomerni furfurolga nisbatan chiqishini aniqlang.
2. Oligomerni qotishini 5% malein angidridi ishtirokida 120 oC da aniqlang.
Adabiyotlar:
1..Magrupov F.A. "Sintetik va tabiiy yuqori molekulali birikmalar kimyoviy texnologiyasi" fanidan ma`ruzalar matni.Toshkent 2007.
2.A.P.Grigor'ev, O.Ya.Fedotova "Laboratorniy praktikum po texnologii plasticheskix mass" Moskva, Vis.shk. 1986.
3.Magrupov F.A.,Polimerlar va plastik massalar texnologiyasidan laboratoriya amaliyoti.Toshkenт 2007, (elektron variant)
| 