|
Oziq-ovqat mahsulotini tamg‘alash yuzasidan uning xavfsizligi to‘g‘risidagi
|
| bet | 2/12 | | Sana | 15.12.2023 | | Hajmi | 39,05 Kb. | | #119891 |
Bog'liq 15 Ma\'ruza..Oziq-ovqat mahsulotini tamg‘alash yuzasidan uning xavfsizligi to‘g‘risidagi
UMUMIY TEXNIK REGLAMENT
1-bob. Umumiy qoidalar
1-§. Maqsadlari va qo‘llanish sohasi
1. Ushbu Umumiy texnik reglament (keyingi o‘rinlarda Texnik reglament deb ataladi) iste’molchilarning oziq-ovqat mahsuloti to‘g‘risida ishonchli ma’lumotga bo‘lgan huquqlari amalga oshirilishini ta’minlash maqsadida oziq-ovqat mahsulotiga uni tamg‘alash yuzasidan qo‘yiladigan talablarni belgilaydi.
2. Texnik reglament umumiy ovqatlanish tashkilotlari tomonidan ishlab chiqariladigan joyda iste’mol qilish uchun ishlab chiqariladigan oziq-ovqat mahsulotiga, shuningdek jismoniy shaxslar tomonidan keyinchalik realizatsiya qilmasdan shaxsan iste’mol qilish uchun ishlab chiqariladigan oziq-ovqat mahsulotiga tatbiq etilmaydi.
3. Agar boshqa texnik reglamentlarda oziq-ovqat mahsulotlarining ayrim turlarini tamg‘alashga nisbatan talablar belgilangan bo‘lsa, u holda oziq-ovqat mahsulotlarining ushbu turlarini tamg‘alash amal qilishi ularga joriy etiladigan barcha texnik reglamentlarning talablariga muvofiq bo‘lishi kerak.
2-§. Terminlar va ta’riflar
4. Texnik reglamentda quyidagi terminlar va ta’riflardan foydalaniladi:
oziq-ovqat mahsuloti tayyorlangan sana — oziq-ovqat mahsuloti ishlab chiqarishning texnologik jarayoni tamom bo‘lgan sana;
tayyorlovchi (ishlab chiqaruvchi) — o‘z nomidan oziq-ovqat mahsuloti ishlab chiqaruvchi va uning Texnik reglament talablariga muvofiqligi uchun mas’ul bo‘lgan yuridik yoki jismoniy shaxs;
oziq-ovqat mahsulotining farqlanuvchi belgilari to‘g‘risidagi ma’lumot — oziq-ovqat mahsulotining xossalari mavjudligidan dalolat beruvchi, uni boshqa oziq-ovqat mahsulotidan farqlash (shu jumladan oziqlik qimmati, kelib chiqish joyi, tarkibi, boshqa xossalari) imkonini beruvchi oziq-ovqat mahsuloti to‘g‘risidagi ma’lumotlar;
suqma varaq — tamg‘a qo‘yiladigan va iste’mol o‘ramiga va (yoki) transport o‘ramiga joylashtiriladigan yoxud iste’mol o‘ramiga va (yoki) transport o‘ramiga ilova qilinadigan axborot manbai;
tamg‘a — iste’mol o‘ramiga, transport o‘ramiga, suqma varaqqa, etiketkaga yoki yorliqqa tushiriladigan yozuvlar, rasmlar, belgilar, ramzlar, boshqa belgilar va (yoki) ularning kombinatsiyalari tarzidagi oziq-ovqat mahsuloti to‘g‘risidagi ma’lumot;
|
| |
