|
BOʻLAJAK MUTAXASSIS KADRLARNING INGLIZ TILIDA KOMMUNIKATIV
Pdf ko'rish
|
| bet | 209/347 | | Sana | 10.01.2024 | | Hajmi | 6,23 Mb. | | #133952 |
Bog'liq pedagogik mahorat 2022 1BOʻLAJAK MUTAXASSIS KADRLARNING INGLIZ TILIDA KOMMUNIKATIV
MADANIYATINI RIVOJLANTIRISHNING LINGVODIDAKTIK TEXNOLOGIYASI
Ushbu maqolada boʻlajak oliy ma’lumotli mutaxassislarning oʻquv materiallari ishlab chiqilgan.
Ingliz tilini kasbiy faoliyatga yoʻnaltirilgan oʻqitish sohasida kommunikativ madaniyatni yanada
rivojlantirish va metodik takomillashtirish masalasi bayon qilingan.
Kalit soʻzlar: kommunikativ madaniyat, lingvodidaktika, boʻlajak mutaxassis, nofilologik OTM,
energetika yoʻnalishi, integratsiya, ehtiyoj, chet tili, muloqot, autentik vaziyat, leksik material.
В данной статье разработаны учебные материалы будущих специалистов с высшим
образованием. Изложен вопрос дальнейшего развития и методического совершенствования
коммуникативной культуры в сфере профессионально-деятельностного обучения английскому языку.
Ключевые слова: коммуникативная культура, лингводидактика, будущий специалист,
нефилологический вуз, направление энергетики, интеграция, потребность, иностранный язык,
общение, аутентичная ситуация, лексический материал.
This article has developed educational materials of future higher education professionals. The issue of
further development and methodological improvement of communicative culture in the field of vocational
training of English language is described.
Key words: communicative culture, lingvodidactics, future specialist, non-philological universities,
direction of energy, integration, needs, foreign language, communication, authentic situation, lexical
material.
Kirish. Hozirgi davrda zamonaviy boʻlajak mutaxassis kadrlar sohasiga oid yangiliklarni va istiqbolli
ishlanmalarni kuzatib turish talab etiladi. Tanlagan mutaxassisligi boʻyicha chet tilini ishonchli va chuqur
egallagan taqdirdagina, oʻz oldiga qoʻygan maqsadiga erishish mumkin. Texnika oliy oʻquv yurtlari boʻlajak
mutaxasisslariga doimiy ravishda oshib borayotgan talablar va shu kabi mutaxassislarni shakllantirish uchun
ushbu talablarning bajarilishini ta’minlashda an’anaviy ta’lim modelining cheklangan imkoniyatlari bilan
zamonaviy jamiyatning samarali ish faoliyatiga boʻlgan ehtiyoji oʻrtasida ma’lum ziddiyatlar kelib chiqishi
mumkin. Uzluksiz kasbiy ta’lim tizimi va bunday ta’limning ijtimoiy-pedagogik asoslari yetarli darajada
rivojlanmayotganligi tobora koʻproq tan olinmoqda.
Darhaqiqat, ta’lim-tarbiya islohotlari asosida uzluksiz ta’lim tizimida oʻquv-tarbiya jarayonining sifat
va samaradorligini zamon talablari darajasiga koʻtarish, davlat ta’lim standartlari doirasida yoshlarni
mukammal bilim sohibi etib yetishtirish, ma’naviy-axloqiy jihatdan barkamol shaxslarni tarbiyalash, ularda
muloqot madaniyatini rivojlantirish, ta’lim va tarbiyada ta’lim muassasalari, oila, mahalla va jamoatchilik
hamkorligini kuchaytirish ta’lim tizimi oldida turgan asosiy vazifalardan hisoblanadi. Shu munosabat bilan
oliy oʻquv yurtini bitirgan yosh mutaxassislarning malakaviy tavsiflari orasida chet ellik sheriklar bilan
aloqada boʻlish, axloq va madaniyatga ega boʻlish, ish va jamiyatdagi professional masalalarni tezda hal
qilish qobiliyatining rivojlanishi zarurati tugʻildi. Bu esa xorijiy tillarni, ayniqsa, ingliz tili fanini oʻqitish
jarayonini tubdan oʻzgartirishni taqozo etdi [22, 384]. Chunki ingliz tili mashgʻulotlarida autentik muloqot,
ya’ni talabalar uchun kasbiy faoliyatiga yoʻnaltirilgan, qiziqarli va dolzarb boʻlgan masalalar muhokama
qilinganida oʻquv mashgʻulotida tashkil qilinishi mumkin boʻlgan haqiqiy muloqot alohida oʻrin tutadi. Bu
holatda talaba oʻz nomidan gapirib, unga biriktirilgan istalgan vazifalarni bajaradi. Oʻqituvchi esa muloqot
tashkilotchisi yoki uning ishtirokchisi, shuningdek, “ma’lumotlar banki” rolini bajaradi. Ingliz tili
mashg’ulotlari jarayonida muloqotning barcha ishtirokchilari teng huquqli boʻladi, har bir kishi istalgan
jarayon haqida va nimani lozim deb bilsa gapirishi mumkin. Muloqotning mazkur turi muloqot qiluvchilar
real ahamiyatli masalalarni yechadigan va aniq maqsadlarni koʻzlaydigan yagona turidir. Har bir kishi
oʻzining shaxsiy fikrini ifodalaydi, oʻzini qiziqtiradigan narsa haqida gapiradi, shu sababli oʻz hamkorlariga
doimo biron yangilikni aytadi. Muloqotning mazkur turi muhokama qilinadigan masalalar ahamiyatidan
kelib chiqadigan yuqori motivatsiya, fikrlar originalligi va hammaning toʻgʻri yechimini topishga qiziqishi
bilan ajralib turadi.
|
| |
