|
2022, №1 “Pedagogik mahorat” Ilmiy-nazariy va metodik jurnal
Pdf ko'rish
|
| bet | 217/347 | | Sana | 10.01.2024 | | Hajmi | 6,23 Mb. | | #133952 |
Bog'liq pedagogik mahorat 2022 1Muhokamalar va natijalar. “Chet tilini toʻliq onlayn tarzda oʻrganish mumkinmi?” degan savol
barcha chet tilini oʻqitish metodikasi sohasidagi tadqiqotchilar oldiga qoʻyilgan va oʻz yechimini kutayotgan
masaladir. N.Hokliy “onlayn til oʻrganish” atamasini toʻliq onlayn, internet orqali, yuzma-yuz olib
boriladigan ta’lim komponentlarisiz amalga oshiriladigan til oʻrganish jarayonini nazarda tutadi. Hokliy
shuningdek, chet tilini onlayn oʻrganish uchun dastlabki imkoniyatlar oliy oʻquv yurtlarida boʻlganini, ammo
texnologiya rivojlanishi bilan bu imkoniyatlar ortib borayotganini ta’kidlab oʻtadi [10]. Onlayn darslarda
oʻqituvchi va talaba oʻrtasida ma’lumot almashish uchun ta’limni boshqarish tizimi (Learning Managemant
System)dan foydalaniladi. Ushbu ta’limni boshqarish tizimlarida (LMS) onlayn ta’limni tashkil etuvchi
muassasalar tomonidan ishlab chiqilgan oʻquv materiallari talabalarning erkin foydalanishlari uchun beriladi.
Marta Luisa Montiel Chamorroning keltirib oʻtishicha, chet tilini oʻrgatish uchun tashkil etilgan onlayn
kurslardagi materiallar odatda asosiy hisoblangan toʻrtta til koʻnikmalarini (oʻqish, yozish, tinglash va
gapirish) rivojlantirish va mustahkamlash uchun moʻljallangan. onlayn chet tili kurslarining afzalliklaridan
biri sifatida M.Mantiel quyidagilarni keltirib oʻtadi: oʻquvchilar an’anaviy ta’limdan farqli oʻlaroq, onlayn
ta’limda chet tili kursi kontentini bir necha marta qayta koʻrib chiqishlari mumkin [13].
Olayn ta’limni samarali tashkil etish bir necha omillarga bogʻliq. Bizningcha, onlayn ta’limning
samarali olib borilishiga eng avvalo onlayn ta’limni tashkil etishda asos vazifasini oʻtovchi nazariyalar
muhim oʻrin tutadi. Avvalo shuni ta’kidlab oʻtish joizki, onlayn ta’lim uchun tavsiya etilgan ta’lim
nazariyalari uchta muhim nazariya hisoblangan: behaviorizm, kognitivizm va konstruktivizm nazariyalariga
asoslanib rivojlantirilgan.
Onlayn ta’limda bir necha ilmiy ishlarga asos sifatida “Tadqiqotlar hamjamiyati (Community of
Inquiry)” nazariyasi koʻrsatib oʻtilgan. Bunday ilmiy ishlardan biri Marta Luisa Montiel Chamorro
tomonidan yozilgan “Comparing Online English Language Learning and Face-to-Face English Language
Learning atEl Bosque University in Colombia” mavzusidagi PhD dissertatsiyasidir [13]. “Tadqiqotlar
hamjamiyati” nazariyasi 2000-yilda D.Garrison, T.Andersonva, W.Archerlar tomonidan ishlab chiqilgan
boʻlib, “mavjudlik” konsepsiyasi bilan boshqa nazariyalardan ajralib turadi. Ushbu nazariya asoschilariga
koʻra onlayn ta’lim 3 ta muhim mavjudlikdan “kognitiv, ijtimoiy va oʻqitish” iborat boʻlsagina ta’lim
jarayoni samarali tashkil etilishi mumkin [7].
Kognitiv mavjudlik bu oʻrganuvchilar tanqidiy fikrlashni yoʻlga qoʻygan holda bir-birlari bilar oʻzaro
hamkorlikda mulohaza yuritish orqali yangi konsepsiyani oʻrganib, tub maʼnoni anglab yetishlaridir.
https://buxdu.uz
|
| |
