|
“Pedagogik mahorat” Ilmiy-nazariy va metodik jurnal 2022, № 1Bog'liq pedagogik mahorat 2022 1“Pedagogik mahorat” Ilmiy-nazariy va metodik jurnal 2022, № 1
36
oʻquvchilarning oʻrganishi lozim boʻlgan materialni metodik jihatdan qayta ishlash; ilmiy-metodik
izlanishlar olib borish; talabalarda pedagogika faniga qiziqish uygʻotish va qiziqishlarni rivojlantirish
koʻnikmalariga ega boʻlishlari lozim.
Auditoriyadan tashqarida tashkil etiladigan mustaqil ta’lim shakllarining mazmuni.
1b – shakl. Oʻquv adabiyotlari bilan ishlash. Auditoriyadan tashqarida oʻquv adabiyoti bilan ishlash
mustaqil ta’lim olishning eng asosiy shakllaridan biri hisoblanadi. Oʻquv adabiyoti bilan ishlash juda oson va
qulay usul hisoblanadi. Oʻquv adabiyotlari bilan ishlashni barcha ta’lim oluvchilar yaxshi oʻzlashtirgan
boʻlishlari lozim. Oʻquv adabiyotlari deganda, darsliklar, oʻquv qoʻllanmalar, metodik adabiyotlar,
m’lumotlar, yoʻriqnomalar va hokazolarni tushunish mumkin.
2b – shakl. Nazorat ishlariga tayyorlanish. Imtihonlarga va nazorat ishlariga tayyorlanish jarayoni
ham mustaqil ta’limning asosiy shakllaridan biri hisoblanadi. Ta’lim jarayonida imtihonlar va nazorat ishlari
topshirishda talabalardan katta ma’suliyat talab etiladi. Imtihonlarda va nazorat ishlarida talabalar oʻquv
rejasini qanday darajada oʻzlashtirganliklari haqida hisobot beradilar. Talabalar ijobiy baholanishlari uchun
nazorat ishlariga oʻz xohishlari asosida mukammal tayyorlanishlari shart. Talaba har bir darsga oʻz vaqtida
puxta tayyorlansa ham nazorat ishlaridan oldin, baribir, qayta oʻqishi, oʻqiganlarini umumlashtirishi va
tizimlashtirishi lozim.
3b – shakl. Ma’ruza tayyorlash. Oliy ta’lim muassasalarida oʻqitish jarayonida ta’lim berishning turli
shakl va metodlaridan foydalanilmoqda. Ta’limning asosiy shakli esa bu - ma’ruza hisoblanadi. Ma’ruza
tayyorlash ancha murakkab va koʻp mehnat talab qiladigan vazifalardan biridir. Boʻlajak pedagogika-
psixologiya ta’lim yoʻnalishi bakalavr talabalari “Pedagogika nazariyasi va tarixi” fanida, pedagogik
amaliyot jarayonida ma’ruza tayyorlashlariga toʻgʻri keladi. Ma’ruza vaqtida ham, har turli amaliy
mashgʻulotlarda ham asosiy e’tibor talabalarning mustaqil fikr yuritishlarini rivojlantirish, bilim va
malakalarini oshirishga qaratilgan boʻladi.
|
| |
