|
Key words: teacher, pedagogical skills, innovation, innovative activity, function, professional activity,
pedagogical activity.
KirishBog'liq Pedagogik mahorat 3-son 2021 yilKey words: teacher, pedagogical skills, innovation, innovative activity, function, professional activity,
pedagogical activity.
Kirish. Prezidentimiz Sh.M.Mirziyoyev “Hozirgi vaqtda mamlakatimiz aholisining 32 foizini yoki 10
millionini 30 yoshgacha boʻlgan yoshlarimiz tashkil etadi. Yoshlarimiz haqli ravishda Vatanimizning kelajagi
uchun javobgarlikni zimmasiga olishga qodir boʻlgan, bugungi va ertangi kunimizning hal etuvchi kuchiga
aylanib borayotgani barchamizga g‘urur va iftixor bag‘ishlaydi. Bu sohada olib borayotgan keng miqyosli
ishlarimizni, xususan, ta’lim-tarbiya boʻyicha qabul qilingan umummilliy dasturlarimizni mantiqiy yakuniga
yetkazishimiz zarur. Shu maqsadda Hukumatning, tegishli vazirlik va idoralar hamda butun ta’lim tizimining,
hurmatli domlalarimiz va professor-oʻqituvchilarning eng muhim vazifasi – yosh avlodga puxta ta’lim berish,
ularni jismoniy va ma’naviy yetuk insonlar etib tarbiyalashdan iborat.
Farzandlarimiz uchun zamonaviy ish joylari yaratish, ularning hayotda munosib oʻrin egallashini
ta’minlashga qaratilgan ishlarimizni yangi bosqichga koʻtarishni davrning oʻzi taqozo etmoqda. Biz yoshlarga
doir davlat siyosatini hech og‘ishmasdan, qat’iyat bilan davom ettiramiz. Nafaqat davom ettiramiz, balki bu
siyosatni eng ustuvor vazifamiz sifatida bugun zamon talab qilayotgan yuksak darajaga koʻtaramiz.
Yoshlarimizning mustaqil fikrlaydigan, yuksak intellektual va ma’naviy salohiyatga ega boʻlib, dunyo
miqyosida oʻz tengdoshlariga hech qaysi sohada boʻsh kelmaydigan insonlar boʻlib kamol topishi, baxtli
boʻlishi uchun davlatimiz va jamiyatimizning bor kuch va imkoniyatlarini safarbar etamiz”. Ushbu fikrlar, oʻz
navbatida, oʻqituvchi-tarbiyachilarning yuksak kasbiy va shaxsiy fazilatlar egasi boʻlishini taqozo etadi.
Shuning uchun ham oʻqituvchi oldiga qoʻyilgan vazifalar oʻta murakkab, mas’uliyatli va ayni paytda
sharaflidir.
Asosiy qism. Rivojlangan davlatlar safidan oʻrin olishni oʻz oldiga maqsad qilib qoʻygan
Oʻzbekistonimiz, xalq xoʻjaligining barcha tarmoqlari kabi ta’lim sohasida ham ilg’or texnologiyalarni joriy
etish va shu orqali ta’lim mazmunini jahon andozalari darajasiga olib chiqishga harakat qilmoqda. Shunday
ekan, bu borada oʻqituvchining innovatsion faoliyati asosiy va muhim ahamiyat kasb etadi.
Hozirgi davr ta’lim taraqqiyoti yangi yoʻnalish – innovatsion pedagogikani maydonga olib chiqdi.
“Innovatsion pedagogika” termini va unga xos boʻlgan tadqiqotlar amalga oshirildi.
Oʻqituvchining innovatsion faoliyatini samarali amalga oshirish bir qator shart-sharoitlarga bog’liq.
Unga oʻqituvchining tayinli muloqoti, aks fikrlarga nisbatan beg’araz munosabat, turli holatlarda ratsional
vaziyatning tan olinishini uqtirishga tayyorligi kiradi. Buning natijasida oʻqituvchi oʻz bilim va ilmiy
faoliyatini ta’minlaydigan keng qamrovli motivga ega boʻladi.
Oʻqituvchi faoliyatida oʻz-oʻzini faollashtirish, oʻz ijodkorligi, oʻz-oʻzini bilishi va yaratuvchiligi kabi
motivlar muhim ahamiyat kasb etadi. Bu esa oʻqituvchi shaxsining kreativligini shakllantirish imkoniyatini
beradi.
Yangilik kiritishning muhim sharti muloqotning yangi vaziyatini tug’dirishdir. Muloqotning yangi
vaziyati - bu oʻqituvchining oʻz mustaqillik mavqeini, dunyoga, pedagogik fanga, oʻziga boʻlgan yangi
munosabatni yarata olish qobiliyatidir. Oʻqituvchi oʻz nuqtayi nazarlariga oʻralashib qolmaydi, u pedagogik
tajribalarning boy shakllari orqali ochilib, mukammallashib boradi. Bunday vaziyatlarda oʻqituvchining
fikrlash usullari, aqliy madaniyati oʻzgarib boradi, hissiy tuyg’ulari rivojlanadi.
Keyingi sharti - bu oʻqituvchining madaniyat va muloqotga shayligi.
https://buxdu.uz
|
|
Bosh sahifa
Aloqalar
Bosh sahifa
Key words: teacher, pedagogical skills, innovation, innovative activity, function, professional activity,
pedagogical activity.
Kirish
|
