4 – rasm. Quritish shkafi:
1 – shkalali termoregulyatorning dastasi; 2 – asbobni oʻchiruvchi murruvat;
3 – signal beruvchi lampa; 4 – taglik; 5 – eshikcha; 6 – korpus; 7 – termometr
uchun teshik va ventilyatsiya qalpoqchasi.
31
Sentrifuga suspenziya va aralashmalarning suyuq va qattiq
fazalarini ajratish uchun xizmat qiladi. Sentrifuga ikkita rotor bilan
jihozlangan boʻlib, ular elektr dvigatelining valiga ketma-ket oʻrnatiladi:
toʻrtta stakanli rotor-prestavina va shisha yoki polietilen probirkalar
uchun uyachalari boʻlgan burchakli rotor. Rotorlarning aylanish tezligi –
2000 dan 6000 gacha ob/min.
Laboratoriya pH-metri vodorod ionlarining (pH) faolligi va
oksidlanish - qaytarilish potensialini (Eh) oʻlchash uchun moʻljallangan.
Refraktomer quruq moddalar, shakar, spirt, aminokislotalar,
vitaminlar va ekstrativ moddalar miqdorini aniqlash uchun ishlatiladi.
Shkala sindirish koʻrsatkichini va quruq moddalar miqdorining massa %
ini koʻrsatadi.
Fotoelektrokalorimetr boʻyalgan va kolloid aralashmalarning optik
zichligi hamda oʻtkazuvchanlik koeffitsiyentlarini oʻlchash uchun
qoʻllaniladi. Asbob 315-630 nm spektr doirasida ensiz tasmali yorugʻlik
filtrlari toʻplami bilan jihozlanadi.
Kalorimetr – nefelometr aralashmalarining loyqalanish darajasi
boʻyicha mikroorganizm hujayralari konsentratsiyasini baholash
imkonini beradi.
Spektrofotometr optik zichligini hamda suyuq va qattiq
moddalarining oʻtkazuvchanlik koeffisiyentlarini oʻlchash uchun
ishlatiladi.
Zeyts filtrlari asbest va sellyuloza aralashmasidan tayyorlangan,
qalinligi 3-5 mm va diametri 33-140 mm boʻlgan disklardan tashkil
topgan boʻlib, sellyuloza miqdori ortib borgan sari filtrning gʻovakligi
oshadi. Filtrlar, odatda nikellangan metalldan tayyorlangan voronkaga
(5-rasm) oʻrnatiladi.
Voronka ikki qismdan iborat: yuqori qismi silindr koʻrinishida va
pastki qismi esa konus koʻrinishida boʻladi. Ularning oʻrtasiga metall
toʻrga asbest filtr qoʻyiladi. Shundan keyin voronka burab qoʻyiladi yoki
maxsus vintlar yordamida zich qilib tortiladi. Ensiz tubus esa bunzen
kolbasining rezina tiqiniga oʻrnatiladi.
|
