107
mutakallimlarni «moturidiya» degan umumiy nom bilan ataydi. Garchi ma’lum
sabablarga ko‘ra, ash’ariylar kabi ko‘p sonli tarafdorlariga ega bo‘lmasada, ahli
sunna val jamoaning eng kuchli va o‘ziga xos jabhasini tashkil qilgan moturidiya
ta’limoti kelajakda ko‘p tadqiq qilinishi kerak bo‘lgan ta’limotdir.
Shu bilan bir qatorda aytish lozimki, hozirgi davr sharqshunoslarining qator
vakillari Moturidiy ta’limotiga nisbatan «Hanafiy-Moturidiy» atamasini qo‘llagani
e’tiborni tortadi. Bundan ko‘rinib turibdiki, ular moturidiya kalom maktabini
mustaqil kalom maktabidan ko‘ra, ko‘proq, hanafiya maktabining bir bo‘lagi sifatida
baholaganlar. Ammo yuqoridagi fikrlardan qat’iy nazar, moturidiya ta’limotini
alohida kalom maktabi sifatida e’tirof etgan olimlarni ham uchratamiz.
