22
Atrof-muhit holati to‘g‘risida milliy ma’ruza: O‘zbekiston
2019-yilda O‘zbekiston Respublikasi qishloq xo‘jaligini rivojlantirishning 2020–2030-yillarga
mo‘ljallangan strategiyasi tasdiqlandi. Unda aholining oziq-ovqat xavfsizligini ta’minlash,
agrosanoat
majmuasini rivojlantirish, tabiiy resurslardan oqilona foydalanish va atrof-muhit
muhofazasini ta’minlash asosida boshqaruvning strategik ustuvor yo‘nalishlari qamrab olingan
(O‘zbekiston Respublikasi Prezidentining Farmoni, 23.10.2019-yildagi PF–5853-son).
Mamlakatda suv resurslaridan oqilona foydalanishni ta’minlash, ekinlarini yetishtirishda suvni
tejaydigan texnologiyalarni keng joriy etish hamda ularni davlat tomonidan qo‘llab-quvvatlash,
shuningdek, qishloq xo‘jaligida yer va suv resurslaridan samarali
foydalanish konsepsiyasiga
muvofiq sug‘oriladigan yerlarning meliorativ holatini yaxshilash bo‘yicha tizimli chora-tadbirlar
amalga oshirilmoqda (O‘zbekiston Respublikasi Prezidentining Farmoni, 17.06.2019-yildagi
PF–5742-son). Suvni tejaydigan texnologiyalar bilan qamrab olingan maydon, sug‘oriladigan
maydonlarning taxminan 25 foizini tashkil etadi.
2022–2026-yillarga mo‘ljallangan Yangi O‘zbekistonning taraqqiyot strategiyasida (O‘zbekiston
Respublikasi Prezidentining Farmoni, 28.01.2022-yildagi PF–60-son) suv resurslarini boshqarish
tizimini tubdan
isloh qilish va suvni tejash, suv resurslaridan samarali foydalanish, suv xo‘jaligi
obyektlarida elektr energiyasi iste’molini kamaytirish bo‘yicha davlat dasturini amalga oshirishga
qaratilgan ustuvor vazifalar belgilangan (31-maqsad).
O‘zbekiston Respublikasida suv resurslarini boshqarish va irrigatsiya sektorini rivojlantirishning
2021–2023-yillarga mo‘ljallangan strategiyasi (O‘zbekiston Respublikasi Prezidentining qarori,
24.02.2021-yildagi PQ–5005-son) hamda 2022–2024-yillarda O‘zbekiston
Respublikasining
ijtimoiy va ishlab chiqarish infratuzilmasini rivojlantirish chora-tadbirlarida (O‘zbekiston
Respublikasi Prezidentining qarori, 22.01.2022-yildagi PQ–98-son) irrigatsiya va meliorativ
loyihalarning samaradorligi va natijadorligini tahlil qilishga ham e’tibor qaratilgan bo‘lib,
irrigatsiya va meliorativ obyektlarni suv va elektr energiyasi sarfini o‘lchash va nazorat qilishning
avtomatlashtirilgan uskunalari bilan jihozlash bo‘yicha rasmiy takliflar qayd etilgan. O‘zbekiston
Respublikasi suv xo‘jaligini rivojlantirishning 2020–2030-yillarga mo‘ljallangan konsepsiyasida
(O‘zbekiston Respublikasi Prezidentining Farmoni, 10.07.2020-yildagi PF–6024-son)
belgilangan vazifalarni izchil amalga oshirish va asosiy maqsadli ko‘rsatkichlarga erishishni
ta’minlash maqsadida Yo‘l xaritasi qabul qilindi. Shuningdek, qishloq xo‘jaligida
suvni tejaydigan
texnologiyalarni joriy etishni yanada takomillashtirish chora-tadbirlari amalga oshirilmoqda
(O‘zbekiston Respublikasi Prezidentining qarori, 01.03.2022-yildagi PQ–144-son). Mazkur
qarorda suvni tejaydigan texnologiyalarni, shu jumladan tomchilatib sug‘orish, yomg‘irlatib
sug‘orish va boshqalarni qo‘llash orqali suvdan foydalanish samaradorligini oshirish bo‘yicha
ustuvor yo‘nalishlar ko‘rsatilgan, shuningdek, suvni tejaydigan texnologiyalarni joriy etishni davlat
tomonidan qo‘llab-quvvatlash tartibi ham belgilangan.
So‘nggi yillarda mamlakatda
