29
Atrof-muhit holati to‘g‘risida milliy ma’ruza: O‘zbekiston
Atmosferaning
surunkali, uzoq muddatli ifloslanish darajasini baholash uchun atmosfera
ifloslanishining kompleks indeksidan (bundan keyin – (AII) foydalaniladi. Mavjud
baholash
usullariga muvofiq, ifloslanish darajasi AII qiymatida: past – 0,0 dan 5,0 gacha, oshgan – 5,0 dan
7,0 gacha va yuqori – 7,0 dan 14,0 gacha va 14,0 ga teng yoki undan yuqori bo‘lgan AII qiymatida –
juda yuqori deb hisoblanadi. Mamlakatning aksariyat shaharlarida 2018–2022-yillarda atmosfera
havosining ifloslanish darajasi past deb tavsiflanadi. 2018-yildan 2021-yilgacha bo‘lgan davrda
Toshkent viloyati shaharlarida atmosfera havosining ifloslanish indeksi nisbatan past bo‘lgan,
faqatgina 2019-yilda Olmaliqda AII 5,91
ni tashkil etgan, bu ko‘tarilgan ifloslanish darajasiga mos
keladi. 2018-yildan 2021-yilgacha Farg‘ona viloyati shaharlarida atmosfera
havosining ifloslanish
indeksida pasayish kuzatilgan, 2019-yilda faqatgina Farg‘ona shahrida AII 5,39, 2020-yilda esa
5,14 ni tashkil etgan, bu ko‘tarilgan ifloslanish darajasiga mosdir.
