61
Atrof-muhit holati to‘g‘risida milliy ma’ruza: O‘zbekiston
borilmoqda. Yangilangan ma’lumotlar bo‘yicha dastlabki ikki yillik hisobot ham tayyorlandi,
unda ikkita asosiy yo‘nalish – 1990–2017-yillarda issiqxona gazlari inventarizatsiyasi va iqlim
o‘zgarishining oldini olish bo‘yicha chora-tadbirlar samaradorligini baholash qayd etilgan.
2030-yilgacha bo‘lgan uzoq muddatli istiqbolda iqtisodiyotning
alohida tarmoqlari uchun
2030-yilgacha bo‘lgan davrda mamlakatni rivojlantirishning ustuvor yo‘nalishlari va maqsadlarini
belgilaydigan qator strategiya va konsepsiyalar ishlab chiqildi. «2019–2030-yillar davrida
O‘zbekiston Respublikasining «yashil» iqtisodiyotga o‘tish strategiyasi» va O‘zbekiston
Respublikasi
Prezidentining «2030-yilgacha O‘zbekiston Respublikasining «yashil» iqtisodiyotga o‘tishiga
qaratilgan islohotlar samaradorligini oshirish bo‘yicha chora-tadbirlari to‘g‘risida»gi Qarori (02.12.
2022-yildagi PQ–436-son) mamlakatning Parij kelishuvi doirasida qabul qilingan majburiyatlarini
bajarishga qaratilgan strategik hujjatlar hisoblanadi. Issiqxona gazlari tashlamalarini qisqartirish
bo‘yicha maqsadga erishish yo‘lida, iqlimni moliyalashtirish uchun resurslar hamda energiya
tejaydigan va ekologik xavfsiz ilg‘or texnologiyalardan foydalanishni ta’minlaydigan xalqaro
tashkilotlar va moliya institutlarining ko‘magi talab etiladi.
Moslashuv va yumshatish
odamlarni, hayot uchun talab etiladigan resurslarni va ekotizimlarni
himoya qilishga qaratilgan iqlim o‘zgarishiga uzoq muddatli global javobning asosiy tarkibiy
qismidir, moslashuv choralari esa Parij kelishuvining iqlim o‘zgarishiga
qarshi global kurashga
qo‘shgan milliy jihatdan aniqlangan hissasining bir qismi sanaladi. Garchi O‘zbekistonda suv
va qishloq xo‘jaligi iqlim o‘zgarishiga qarshi eng himoyasiz tarmoqlar hisoblansada, ammo, ular
o‘z navbatida, iqtisodiy barqarorlik va oziq-ovqat xavfsizligini ta’minlashda muhim rol o‘ynaydi.
O‘zbekiston, shuningdek iqlim o‘zgarishining iqtisodiyotdagi turli sohalar, ijtimoiy
sektor va
Orolbo‘yi mintaqasiga (Orol dengizining qirg‘oq zonasi) salbiy ta’siri xavfini kamaytirish uchun
moslashuv salohiyatini oshirish bo‘yicha ishlarni davom ettiradi (O‘zbekiston hukumati, 2016
va 2021-yillar).
Amalga oshirilayotgan institutsional islohotlar doirasida energiya samaradorligini oshirish va
issiqxona gazlari tashlamalarini qisqartirish bo‘yicha chora-tadbirlarni
amalga oshirish uchun
mas’ul bo‘lgan bir qator yangi ixtisoslashtirilgan vazirlik va idoralar tashkil etildi. O‘rta muddatli
istiqbolda rivojlanishning ustuvor yo‘nalishlari davlat rivojlanish dasturlarida belgilandi.
