|
Atrof-muhit holati to‘g‘risida milliy ma’ruza: O‘zbekiston
O‘zbekistonning
umumta’lim maktablaridaBog'liq uzbekistan-state-of-the-environment-uz91
Atrof-muhit holati to‘g‘risida milliy ma’ruza: O‘zbekiston
O‘zbekistonning
umumta’lim maktablarida
ekologiya va atrof-muhitni muhofaza qilish
bo‘yicha maxsus fanlar mavjud emas. Ekologiya masalalari biologiya, kimyo, botanika, zoologiya,
geografiya va boshqa fanlar uyg‘unlashtirib yuborilgan. Umumiy o‘rta ta’limning davlat ta’lim
standarti va o‘quv dasturlari mazmuni quyidagi malakalar bilan boyitilgan: o‘quvchilarda ekologik
madaniyatni shakllantirishga xizmat qiluvchi bilim, ko‘nikma va malakalarni ta’lim mazmuniga
keng singdirish; o‘quv fanlari doirasidagi ekologik bilimlarni amaliyotga joriy etish. Bir qator oliy
o‘quv yurtlarida ekologiya bo‘yicha mutaxassislarni tayyorlash yo‘lga qo‘yilgan. Mamlakatdagi
oliy ta’lim muassasalarida har yili 300 ga yaqin ekolog mutaxassis tayyorlanadi.
O‘rta maxsus va professional ta’lim tizimida
ta’lim muassasalarining yo‘nalishini inobatga
olgan holda o‘quvchilarga ekologik bilimlar berib boriladi. O‘rta maxsus, kasb-hunar ta’lim
muassasalarida umumekologik ta’lim talablari bilan bir qatorda atrof-muhitni muhofaza
qilishning kundalik qoidalari va mahalliy miqyosda barqaror rivojlanishning ekologik xususiyatlari
ochib beriladi. Shu munosabat bilan muayyan umumkasbiy va maxsus fanlar tarkibiga
«Asosiy
ekologik omillar va ekologik tizimlar to‘g‘risida tushuncha», «Tabiatda biologik, geologik bosqichlar,
turli ekologik muammolarning kelib chiqishi sabablari», «Tabiatni muhofaza qilish, tabiiy resurslardan
oqilona foydalanish», «Ekologiya sohasida innovatsion g‘oyalar va texnologiyalardan foydalanish»
kabi
mavzular kiritilgan.
Oliy ta’limning
«Ekologiya va atrof-muhitni muhofaza qilish»
(5630100) yo‘nalishi bo‘yicha
o‘quv rejasi va bakalavriat dasturlari ekologiya va zamonaviy pedagogik texnologiyalar sohasida
amalga oshirilayotgan islohotlarni hisobga olgan holda takomillashtirildi. Vazirlik va idoralardan
talab va taklif, kadrlarga bo‘lgan ehtiyoj hamda mavjud ekologik vaziyat tahlili asosida «Oliy ta’lim
yo‘nalishlari va mutaxassisliklari klassifikatori»ga yangi yo‘nalish va mutaxassisliklarni kiritish
bo‘yicha takliflar ishlab chiqildi.
O‘zbekistonda Markaziy Osiyo atrof-muhit va iqlim o‘zgarishini o‘rganish universiteti (Green
University) tashkil etildi. Universitet O‘zbekiston Respublikasi Prezidentining tegishli qarori
bilan tashkil etilgan. Universitetning asosiy vazifasi – mahalliy, mintaqaviy va global ekologik
muammolarni samarali boshqarish, ekologiya va atrof-muhitni muhofaza qilish sohasida
mintaqaviy hamkorlikni mustahkamlash, O‘zbekistonning ilmiy va intellektual salohiyatini
ro‘yobga chiqarishda innovatsion g‘oyalar, amaliyot va texnologiyalarni tatbiq etishdan iborat.
O‘zbekistonning
|
| |
