Qashqadaryo havzasida suv resurslarining foydalanilishi

Shunday qilib Qashqadaryo havzasida suv resurslarining shakllanishi tog’li hududlari bilan bog’liq. Havzaning tog’li hududida oqim har1 kv km maydondan 6.2 l/sek ni tashkil etadi. ( Babushkin va b. 1985 y). Havza doirasida shakllanadigan suvlarning miqdori yillar mobaynida 0.7 kub km dan 1.2 kub km gacha o’zgarib turadi. Muvaqqat suv oqimlari hisobiga olinganda bu ko’rsatgich 1.3 kub km ni tashkil etadi yoki har kv km maydondan har yili 45.1 ming kub m suv to’planadi. Mahalliy suv resurslari viloyat aholisining jon boshiga o’rtacha 0.60 ming kub m ni tashkil etadi. Hozirgi sharoitlarda bevosita Qashqadaryo havzasi doirasida shakllanadigan suv resurslari faqat sug’orish uchun suvga bo’lgan ehtiyojning atigi 21% inigina qondira olishi mumkin. Shu sababli suvga bo’lgan ehtiyojni qondirish maqsadlarida qo’shni Zarafshon va Amudaryo havzalarining suv resurslaridan foydalanish imkoniyatlari yaratilgan.