VIII. Geometrik mazmundagi ijodiy topshiriqlar

Boshlang’ich sinflarda geometrik mazmundagi ijodiy topshiriqlarni bajarishdan maqsad “o’quvchilarni geometrik figuralar haqida, ularning elementlari haqida, figuralar va ularning elementlari orasidagi munosabatlari haqida, ularning ba’zi xossalari haqida tasavvurlarning to’la tizimini tarkib toptirish” bilan birga o’quvchilarning bunday topshiriqlarni bajarishda ijodiy yondashishga o’rgatish, ularda mustaqil fikr yuritish ko’nikmasini rivojlantirishdan iborat.

Boshlang’ich sinflarda masala yechishga oid usuliy qo’llanmada geometrik mazmundagi masalalarni – figuralarni yasashga doir, figuralarni almashtirishga doir, figuralarni topish va ajratishga doir, figuralarni tasniflashga doir, hisoblash xarakteridagi masalalar ajratilgan.

Biz ham geometrik mazmundagi ijodiy topshiriqlarni shu tasnifga asoslangan holda quyidagi turlarga ajratamiz:

1. Geometrik figuralar to’g’risidagi tasavvurlarni shakllantirishga doir masala-topshiriqlar

2. Shakllarni topish va ajratishga doir topshiriqlar

3. Geometrik shakllarni almashtirishga doir masala-topshiriqlar

4. Berilgan figuralardan shakllar tuzishga doir topshiriqlar

5. Shakllarni qismlarga bo’lish va bu qismlardan yangi figuralar tuzishga doir topshiriqlar

6. Figuralarni tasniflashga doir topshiriqlar

7. Hisoblash xarakteridagi masala-topshiriqlar