|
Yog‘och qatlam plastiklar
Pdf ko'rish
|
| bet | 136/168 | | Sana | 19.12.2023 | | Hajmi | 1,14 Mb. | | #124022 |
Bog'liq Pardozbop qurilish ashyolari. Qisimov E. 2005Yog‘och qatlam plastiklar yuqori sifatli to‘g‘ri xodadan tilib olingan yupqa listlarni termoreaktiv
smolalar shimdirib, ularni yuqori harorat va bosim ostida o‘zaro yopishtirib olinadi. Yog‘och plastik qatlam
quyidagi o‘lchamlarda tayyorlanadi: uzunligi 70—560 sm, eni 90—120 sm va qalinligi 2—100 mm. U
turarjoy, jamoat binolari qurilishlarida pardozbop va konstruktiv ashyo sifatida ko‘p ishlatiladi.
Organik shisha — oddiy deraza oynalari kabi nur o‘tkazuvchan va uning ta’siriga chidamli yengil ashyo.
Vaqt o‘tishi bilan organik shishada xiralashish yoki sarg‘ayish, shuningdek, mo‘rtlashish alomatlari bo‘lmaydi.
Bundan tashqari, ob-havoda mutlaqo o‘z xususiyatini, ko‘rinishini o‘zgartirmaydi. Uning egiluvchanligi va
yuqori mustahkamligi sanoatning ko‘pgina tarmoqlarida ishlatishga imkon beradi. U 60°C gacha isitilsa juda
oson egiladi va turli buyumlar ishlashga imkoniyat yaratiladi. 120°C da juda yumshoq, 160°C da oquvchan
bo‘ladi, 300°C dan yuqori haroratda esa u yonish xususiyatiga ega. Organik shisha uzunligi 10—135 sm, eni
10—125 sm va qalinligi 2—25 mm ga teng qilib taxta shaklida ishlab chiqariladi. Organik shishani rangli, xira
va rangsiz qilib ham tayyorlash mumkin. Uning hajmiy og‘irligi 1200 kg/m
3
ga teng. Organik shisha nur
o‘tkazuvchan devor va pardadevor, deraza o‘rni va bug‘ xonalarni berkitishda, shuningdek, sanoat
inshootlarida ishlatiladi.
Serg‘ovak plastmassalar. Ari uyasisimon plastika (sotoplast) devorchalari to‘g‘ri geometrik shakllardan
iborat bo‘lgan, orasi esa bo‘shliqdan tashkil topgan ashyo. Ari uyasisimon plastika gazlama, qog‘oz, yog‘och
listi va shunga o‘xshash yupqa ashyolarni termoreaktiv smolalar shimdirib, yuqori bosim va harorat ostida
zichlab, so‘ng ularni o‘zaro yopishtirib olinadi. Ari uyasini eslatuvchi bo‘shliq devorlarining ikki tomoni
plastik listlari bilan yopishtiriladi va quyidagi o‘lchamlarda kesilib, bloklar tayyorlanadi. Ularning uzunligi
100—150 sm, eni 55—65 sm va qalinligi 30—35 sm ga teng. Shimdirib keyin quritilgan tayyor blok yarim
yaltiroq va bikr bo‘lib chiqadi.
Ari uyasisimon plastiklar, asosan issiqlikni kam o‘tkazuvchan ashyo sifatida ishlatiladi. Uni temir-beton
devorbop panellar orasiga issiqlikni muhofazalovchi qatlam, ikki tomoni СВAM yoki yog‘och qatlam
plastiklari bilan o‘ralgan pardevor bloklari sifatida ishlatish mumkin.
|
| |
