|
Pardozlashda ishlatiladigan fasadbop qoplama sopol ashyolarBog'liq Pardozbop qurilish ashyolari. Qisimov E. 2005Pardozlashda ishlatiladigan fasadbop qoplama sopol ashyolar. Binoning fasad qismini qurishda sifatli,
to‘g‘ri shaklli, bir tekis rangdagi g‘isht va sopol toshlar ko‘p ishlatiladi. Fasadbop qoplama g‘isht va toshlar
shakliga va ishlatilishiga ko‘ra bir qatorga va burchaklarga teriladigan xillarga ajratiladi. Bunday g‘ishtlar 150,
100, 75 markalarda chiqariladi. Ularning suv shimuvchanligi 8—14%, sovuqqa chidamliligi 25 sikldan kam
bo‘lmasligi kerak.
Fasadbop qoplama g‘isht va toshlar zinapoya devorlarini, sexning ichki qismini, oshxona devorlarini
qoplashda ham ishlatiladi. Faqat yon tomoni sirlangan g‘isht suv va nam ta’sirida bo‘ladigan sanuzel
devorlarni qoplashda ko‘p ishlatiladi. Shuningdek, fasadbop ashyolar, deraza taxtasi sifatida ham ishlatiladi.
Qoplama sopol plitkalar. Nodir binolar fasadini pardozlashda juda ko‘p sopol qoplama ashyolar
ishlatiladi. Masalan, qoplama plitkalar, toshlar, terrakot va boshqa sirlangan buyumlar.
Qoplama sopol buyumlar, asosan nam usul bilan tayyorlanadi va yuqori sifatli loy qorishmasi bo‘lgan
taqdirda esa nim quruq usul ham ishlatiladi. Fasadbop qoplama sopol plitalar (4.7-rasm) yuqori sifatli loyni
obdan pishitib (zichlash usuli bilan) ishlanadi.
Bunday sopol plitkalar qalinligi 20—25 mm, yuzasi 250
138 mm o‘lchamlarda qatorbop va burchakbop
qilib chiqariladi. Plitkalarning suv shimuvchanligi 6—14%, muzlashga chidamliligi esa 25 sikldan kam
bo‘lmaydi. Plitkalar tayyor devor yuzasiga sement qorishmasi bilan yopishtiriladi.
Terrak buyumlar (4.8-rasm) — sun’iy ravishda bezalgan va rang berilgandan so‘ng pishirilgan qoplamali
sopol ashyo. Sirlanmagan terraktorlar haykaltaroshlikda, kichik arxitektura qismlari, devorbop ashyolar
sifatida ishlatiladi.
Guldor-mayolik buyumlar — pishirish jarayonida tabiiy ravishda ranglanuvchi yoki rangli sir surtilgan
qoplamali sopol ashyo. Bunday sopol plitkalar bilan qoplangan bino fasadi gilamsimon chiqadi. Toshkentda
qurilgan 19 qavatli ma’muriy bino va Amir Temur nomidagi muzey kabi binolar bunga misol bo‘la oladi (4.9-
rasm).
|
| |
