24
yo‘nalish bo‘ylab harakatlanishi mumkin bo‘lgan elektronlar —
erkin elektronlar deyiladi. Qattiq jism atom yoki molekulalar
tizimidan iborat. Atomdagi elektronlar faqat ma’lum (diskret)
energiya qiymatiga —
energetik sathlarga egadirlar. Atomlarning
bir-biri bilan kuchli o‘zaro ta’siri hisobiga energetik sathlar
energetik zonalarga birlashishi mumkin. Demak, turli kristallar
o‘zining
zona diagrammalari bilan
xarakterlanadi, unda ruxsat
etilgan zonalar, taqiqlangan zonalar bilan almashinib turadi.
Yuqori joylashgan ruxsat etilgan zona —
o‘tkazuvchanlik zonasi,
uning ostida joylashgan zona —
valent zona deb ataladi.
O‘tkazuvchanlik zonasining eng pastki (kichik energiyali) sathi —
o‘tkazuvchanlik zonasining tubi deb ataladi. Valent zonasining eng
yuqori (katta energiyali) sathi —
valent zonasining shiði deb
ataladi. Absolut nol temperaturada valent zonadagi barcha energetik
sathlar elektronlar bilan to‘lgan bo‘ladi. Bu vaqtda o‘tkazuvchan-
lik zonasi umuman bo‘sh yoki pastki sathlarigina to‘lgan bo‘ladi.
Birinchi holat metallarga xos, ikkinchi holat esa —
xususiy
(kiritmasiz) yarimo‘tkazgichlarga va dielektriklarga xos (2.1-rasm).
2.1-rasm. Metall, yarimo‘tkazgich va dielektrikning
T=0 K dagi zona diagrammalari.
Metall
Yarimo‘tkazgich
Dielektrik
O‘tkazuvchanlik
zonasi
O‘tkazuvchanlik zonasi
O‘tkazuvchanlik zonasi
Taqiqlangan zona
Taqiqlangan zona
Valent zona
Valent zona
Valent zona
25
Vertikal o‘q bo‘ylab energiya
W qo‘yilgan. Metallarda o‘tkazuv-
chanlik zonasi valent zonasiga kirishib ketgan bo‘ladi.
Dielektriklarda esa taqiqlangan zona kengligi bir necha
elektron-voltni (elektron-volt, bu elektron 1 V potensiallar farqi-
dan olgan energiyasi) tashkil etadi. Eng keng qo‘llaniladigan
yarimo‘tkazgichlarning taqiqlangan zona kengligi 0,5 2,5 eV ni
tashkil etadi.
Energetik sathlarning egallanganlik holati kristallarning elektr
o‘tkazuvchanligida namoyon bo‘ladi. Tashqi manba hisobiga
kristallda elektr tokni yuzaga keltirish uchun elektr maydon hosil
qilinadi. Bu maydon elektronlarni
tezlatadi va ularning ener-
giyasini oshiradi. Zona diagrammasi tilida bu jarayon
elektronlarning
qo‘zg‘atilishi deyiladi. Bunda elektronlar dastlabki egallab turgan
energetik sathidan zonaning boshqa yuqoriroq sathiga ko‘chadi.
Elektronlar bilan butkul to‘lgan zonadagi elektronlar o‘z ener-
giyalarini o‘zgartira olmaydilar va shu sababli elektr toki hosil
qilishda ishtirok eta olmaydilar. Demak, T=0 K da yarimo‘tkaz-
gichning elektr o‘tkazuvchanligi nolga teng.
