Energetik menejmentning yuqorida sanab o‘tilgan har bir darajasiga o‘zining
aniq maqsadi mos keladi:
- davlatlararo energetik menejmentning maqsadi, energetik resurslarning dunyo
zaxiralarini saqlash va ratsional foydalanish, energiyaning yangi manbalari va
shakllarini qidirib topish, atrof-muhitni saqlashdan iborat;
- davlat ichki menejmentining maqsadi – energetik mustaqillikni va
xavfsizlikni ta’minlash. MDH mamalakatlari uchun – energiya xarajatli
iqtisodiyotidan energiya samaraliga o‘tish;
- viloyat, tuman, shahar energetik menejmenti – mos hududlarda xo‘jalikning
ishlash sifatini va aholining yaxshi hayot sharoitarini ta’minlagan holda, yoqilg‘i –
energetik resurslarini minimal iste’moliga erishish;
- soha energetik menejmetining maqsadi- yoqilg‘i –
energetik resurslarini
oshirmasdan turib, soha korxonalarining unumdorligini ko‘tarish;
- korxona energetik menejmentining maqsadi, korxona xarajatlarining umumiy
tuzilmasida energetik tashkil etuvchini pasaytirish va natijada, ichki va tashqi
bozorda korxona ishlab chiqarayotgan mahsulot raqobatbardoshligini oshirishdan
iborat.
Energetik menejment o‘z ichiga fan, texnika va texnologiyalarning yutuqlari
asosida,harqanday ishlab chiqarishning energetik
qismini optimal ishlashi va
rivojlanishini oladi. O‘z navbatida bu, asosiy va yordamchi ishlab chiqarishni
energiya auditini tizimli tarzda o‘tkazish, kutilayotgan va talab etilayotgan
mablag‘larni aniqlagan holda elektr energiyani iqtisod qilish bo‘yicha takliflar va
tadbirlarni ishlab chiqish, korxonada energiya tejamlash siyosatini o‘tkazishga
mas’ullik, energiya tejamlovchi texnologiyalar sohasidagi yutuqlarni o‘rganish,
energiya tejamlovchi tadbirlarni maqsadga muvofiqligini iqtisodiy jihatdan
asoslagan holda, ularning ishlab chiqarishga tatbiq
etish dasturini ishlab chiqish,
erishilgan natijalarni o‘rganish va baholashdir.
Yuqoridan sanab o‘tilgan tadbirlar natijasida tashqi energiya menejeri ishlab –
chiqarishning energiya samaradorligini oshirish va energiya tejamkorligini
rag‘batlantirish tizimini ishlab chiqadi, energetik loyihalarni rejalashtirish va
bajarishga, energetik samarador jihozlarni sotib olish va tatbiq etishga mas’uliyat
olib boradi.
Energiya menejmenti yana o‘z ichiga: energetik resurslar sarfini normallash;
yoqilg‘i sarfini ratsional me’yorini ishlab chiqish; ratsional isitish, sovutish, issiqlik
uzatish, issiqlik yo‘qotishlarining oldini olish, ikkilamchi resurslardan foydalanish,
tarmoqlardan elektr energiya yo‘qotishlarning kamaytirishlarini oladi. Energiya
menejmenti – bu birinchidan bir martali tadbir emas, balki doimiy ko‘p
yillik
sinchiklab (energiya tejamlash dasturining o‘z-o‘zini oqlashi kommersiya
loyihalarnikiga o‘xshab tez emas) bir dasturni tayyorlash, boshqalarini bajarish va
rivojlantirish ishidir.
Katta loyihalar bir qator mayda va aniq loyihalarga bo‘linib ketishi mumkin
bo‘lgani uchun, energiya menejerining ikkinchi sathdagi majburiyati o‘z korxonasi
qiziqishlarining energiya tejamkorlik bo‘yicha tadbirlarni amalga oshirishni taklif
etayotgan partnyorlarning imkoniyatlari bilan moslashtirish.
Huquqiy davlat organlari, jamoat tashkilotlari, energiya nazorat qilish bo‘yicha
idoralar bilan o‘zaro harakat, energiya menejeri faoliyatining uchinchi sathidir.
To‘rtinchi sath huquqiy – me’yoriy aktlarini, standart talablarini energiya
tejamkorlik va samarali energiya iste’moli ko‘lamidagi rahbariy hujjatlarni aniq
bilishdan iborat.
Energiya menejeri faoliyatining beshinchi sathi o‘z
malakasini uzluksiz
oshirishi, energiya tejamlovchi tadbirlarini o‘tkazishni vatan va chet el tajribalarini
doimo o‘rganib borishdan iborat.
Ba’zida energiya menejmentini umumiy boshqarish masalalari qatoriga
qo‘yiladigan bosqichlarga bo‘lishadi:
- loyihalash;
- qurish;
- sanoat korxonalarini ishlatish. Birinchi va ikkinchisi mavjudlari bilan
taqqoslaganda qurilayotgan korxonalar soni kamligi uchun, chegaralangan ta’sir
doirasiga ega va uzoq kelajakda samara berishi mumkin.
