Tadqiqot natijalarining ishonchliligi.Tadqiqot yakunida, natijalarining
ishonchliligi, katta hajmdagi tajriba materiallarining statistikasi, nazariy va amaliy
tadqiqotlarning natijalarini solishtirish, baholash mezonlariga ko‘ra ularning mos
kelishi, yangi tavsiya etilgan texnologiyada trikotaj iplari ishlab chiqarishning nazariy
va amaliy tadqiqotlarining o‘zaro mos kelishi bilan izohlanadi.
Tadqiqot natijalarining ilmiy va amaliy ahamiyati.Tadqiqot natijalarining
ilmiy ahamiyati buram uchburchagini kichraytirish natijasida tolali qatlamni
silindrdagi qamrov yoyini muqobil burchagini ta’minlovchi yangi qurilmani qo‘llash
orqali trikotaj iplari ishlab chiqarish texnologiyasini takomillashtirilgan va buning
natijasida yuqori sifatli trikotaj ip ishlab chiqarishni ilmiy asoslangan texnologiyasini
yaratilganligi bilan izohlanadi.
Tadqiqot natijalarining amaliy ahamiyati halqali yigirish usulida ipning
shakllanish jarayoni bilan strukturasi va xossalari orasidagi bog‘liqlik unga ta’sir
etuvchi parametrlarni hisobga olib mavjud eski modifikatsiyadagi halqali yigirish
mashinalarida pishitish uchburchagini maqbul parametrlari o‘rnatilib, urchuq tezligi va
buramlar sonini ip xossalariga ta’sirini o‘rganish asosida optimal ishchi parametrlar
ishlab chiqilganligi bilan izohlanadi.
Tadqiqot natijalarining joriy qilinishi. Halqali yigirish mashinasiga tolali
qatlam qamrov yoyini kichraytiruvchi qurilma qo‘yish bo‘yicha qilingan izlanishlar
natijalari asosida:
halqali yigirish mashinasiga tolali qatlam qamrov yoyini kichraytiruvchi qurilma
«Home textile NT» MCHJ korxonasida ishlab chiqarishga joriy etilgan (O‘zbekiston
Respublikasi «O‘ZTO‘QIMACHILIKSANOAT» Uyushmasining 2023 yil 12 iyuldagi
03/25-1495 sonli ma’lumotnomasi). Natijada ipning Uster bo‘yicha notekisligi 19 %
9
ga kamaygan, ipning pishiqligi 7 % ga va uzilishdagi uzayishi 40 % ga oshgan hamda
mashinada ip uzilishlar soni 47 foizgacha kamaygan.
