119
uzumboshlar 40-50sm uzunlikkacha boradi va vazni bir kg dan oshadi
(33-rasm).
G‘ujumi yirik (bo‘yi - 25.6 mm, yeni -17.6 mm). O‘rtacha vazni
4.5 gr. Shakli tuxumsimon, rangi qora, yuzasi mumg‘ubor
bilan
qoplangan. Po‘sti yupqa, ammo mustahkam. Etining konsistensiyasi
etdor. Ta’mi yoqimli. Urug‘ rudimentlari yumshoq puch qobiqni
ifodalaydi.
Marmarli kishmish
. Kelib chiqishi Armaniston.
Olimlar ushbu
navni oq oval kishmishning vegetative o‘zgaruvchanligidan kelib
chiqqan deb hisoblaydilar. G‘ujumi mayda yoki o‘rtacha, yumaloq,
rangi oq. Eti go‘shtdor. Po‘sti shaffof, o‘rtacha qalinlikda, mumsimon
g‘ubor va qoramtir nuqtalarga ega. T’mi yoqimli, urug‘lari mavjud
emas Mevasi yuqori sifatli quritilgan mahsulot ishlab chiqarish uchun
yaroqli, quritilgan mahsuloti qandolatchilikda ishlatiladi. Kishmishning
degustatsion bahosi 4.6 ball (5 balli tizimda). Quritilgan mahsulot
chiqishi - 26% gacha. Mayda g‘ujumli kishmish ishlab chiqarish uchun
istiqbolli nav. Erta hosilga kirishi, tuplarning o‘rtacha o‘sish kuchiga
egaligi va yuqori hosildorligi bilan ajralib turadi va pirovard natijada
ko‘p iqtisodiy samaradorlik keltiradi.
Oq kishmish.
Sinonimlari: Kishmish beliy, Kishmish jeltiy, Sariq
kishmish.
Uzumboshi ko‘pincha o‘rtacha o‘lchamda bo‘lib (17x10 m),
shakli
silindrsimon-konussimon, qanotli, o‘rtacha tig‘izlikda. Uzumboshining
yuqorigi qismini silindrsimon shaklda yaqqol kengayishi navning
o‘ziga xos xususiyatidir. Uzumboshining bandi mo‘rt, o‘tsimon, bunga
alohida e’tibor berish kerak. G‘ujumi mayda, ovalsimon (12x11 mm),
rangi sarg‘ish-yashil yoki quyoshga qaragan tomoni qahrabo-sariq
bo‘lib, mumsimon g‘ubor bilan qoplangan. Po‘stining yuzasida mayda
qora nuqtalar mavjud. Eti tig‘iz, qarsildoq, yetarlicha sersuv. Ta’mi
yoqimli, qand va nordonlik o‘ziga xos uyg‘unlikda. Maxsus hidga ega
emas. Iste'molga yaroqli pishish davrida 7-8 g/l nordonlikda bo‘lib,18-
19% qand to‘playdi, quritishga yaroqli pishish davrida
qand miqdori
24-26% ga etadi, nordonligi 4-5 g/l ga tushadi. Uzum g‘ujumlari
faqatgina urug‘ rudimentlariga ega va nav urug‘siz uzum guruhiga
kiritilgan.
