18
qaramay fundamental tadqiqotlar fanning va ishlab chiqarishni rivojlantirish uchun
asos hisoblanadi.
Amaliy ilmiy-texnik tadqiqotlar ma`lum bir texnik muammolarni moddiy
qiziqishlar va jamiyat manfaati bilan bog’liq holda hal qilishni o`z oldiga vazifa qilib
qo`yadi. Amaliy tadqiqotlar, asosan ilmiy-texnik
tadqiqotlar fundamental
tadqiqotlarda aniqlangan bilimlarni moddiylashtirishga qaratilgan. Texnika
sohasidagi amaliy tadqiqotlar tabiat bilan bevosita ish ko`rmaydi, balki uning
tadqiqot predmeti bo`lib mashina,
texnologiya, jarayon yoki tashkiliy struktura,
ya`ni boshqacha qilib aytganda “sun`iy tabiat” xizmat qiladi. Bu tadqiqotlarning
amaliy yo`naltirilganligi kutilgan natijalarni olish ehtimolligini kattalashtiradi (80-
90 % gacha).
Tadqiqotchilik loyiha-konstruktorlik ishlanmalari – bu amaliy tadqiqotlar
natijalarini texnikaning (mashina, qurilma, material, modda, mahsulotlarning) yangi
tajribaviy modellarini yaratish va ishlatish,
hamda mavjud texnikani
takomillashtirish ishlaridir. Ishlab chiqish bosqichida ilmiy tadqiqot natijalari ishlab
chiqarishga qo`llashga yaroqli shaklga kiradi.
