|
amaliy asoslari” mavzusidagi xalqaro konferentsiya 2021-yil, 27-dekabr
Pdf ko'rish
|
| bet | 128/539 | | Sana | 27.06.2024 | | Hajmi | 6,55 Mb. | | #265996 |
Bog'liq Maqola 3 (207-211-bet)amaliy asoslari” mavzusidagi xalqaro konferentsiya 2021-yil, 27-dekabr
141
Komilova Feruza Ilyosovna
Navoiy viloyati Qiziltepa tumani
2-umumiy o‘rta ta’lim maktabi o‘qituvchisi
TA’LIM JARAYONINI FAOLLASHTIRISHGA YO‘NALTIRILGAN
INTERFAOL METODLARDAN FOYDALANISH
Mustaqil Respublikamizda xalq ta’limi sohasini oliy bosqichga ko‘tarish va
dunyoning rivojlangan davlatlari qatoridan munosib o‘rin egallab, raqobatbardosh,
intellectual salohiyatga ega, ta’lim tarbiyali, teran tafakkurga ega yosh avlodni
tarbiyalash bosh vazifalaridan biriga aylandi. Bugungi kunga kelib interfaol
metodlar ,pedagogik va axborot texnologiyalarini ta’lim jarayonida qo‘llash
yangilik emas, zaruratga aylangan. Zamonaviy texnologiyalar har qanday
shaxsning egallayotgan bilim, malaka, ko‘nikmalarini o‘zi qidirib topishiga
mustaqil o‘rganib, tahlil qilib, hatto xulosalarni ham o‘zi keltirib chiqarishiga
o‘rgatadi. Bu jarayonda uzluksiz ta’lim tizimidagi asosiy obyektlardan bo‘lgan
o‘qituvchi, o‘quvchi shaxslari rivojlanish va shakillanish jarayonlarining faol
ishtirokchisiga aylanishi zarur bo‘ladi. Hozirgi kunda ta’lim tizimida innovatsion
texnologiyalarni qo‘llashga bo‘lgan qiziqish va etibor kundan kunga kuchayib
bormoqda. Bunday bo‘lishining sabablaridan biri shu vaqtgacha ta’lim maqsadlari
o‘quvchilarning faqat tayyor bilimlarni o‘zlashtirib olishlariga qaratilgan bo‘lsa,
zamonaviy texnologiyalar ularni ijodiy faollikka, egallanishi lozim bo‘lgan
bilimlarni o‘zlari qidirib topishlariga, xatto xulosalarni ham o‘zlari keltirib
chiqarishlariga o‘rgatish bilan bog‘liqdir.
Dars jarayonida interfaol usullarni qo‘llash o‘quvchilarda ilmiy izlanishga
qiziqishni uyg‘otadi, ijodkorlik va bunyodkorlik qobiliyatini rivojlantiradi.
Natijada egallangan bilim ko‘nikma va malakalar amaliy faoliyatda tadbiq etiladi,
o‘zlashtirish sifati oshadi. Buning uchun o‘qituvchi mahoratli bo‘lishi va
mavzularning mazmuniga qarab darsni to‘g‘ri rejalashtirishi mashg‘ulot davomida
barcha o‘quvchilarni faol va ongli ishlashlariga erishmog‘i lozim. Pedagogik
texnologiyalar ma’lum miqdordagi vazifalarni hal etish uchun xizmat qilishga
yo‘naltirilgan bo‘ladi. Agar o‘quvchida mustahkam bilim bilan birga, uni amaliy
faoliyatda qo‘llashning ko‘nikma va malakalari tarkib topsa, tajribada sinab
ko‘rilganda samaradorlikka erishsa, mavjud holatlar ijobiy tomonga o‘zgartirilsa,
yangi g‘oyalar ustida ish olib borilsa, harqanday muammoni yechimi atroflicha
tasavur qilinsa, bu texnologiya kafolatlangan natijani bergan bo‘ladi.
|
| |
