|
“Ta’limda innovativ-kreativ texnologiyalarning qo’llanilishi, neyrolingvistik dasturlashningBog'liq Maqola 3 (207-211-bet)“Ta’limda innovativ-kreativ texnologiyalarning qo’llanilishi, neyrolingvistik dasturlashning
amaliy asoslari” mavzusidagi xalqaro konferentsiya 2021-yil, 27-dekabr
78
Моҳичеҳра Ғуломова
Когон туманидаги 21-умумий ўрта таълим мактаби
тарих фани ўқитувчиси
“ЖАЛОЛИДДИН МАНГУБЕРДИ - ВАТАН ҚАҲРАМОНИ”
МАВЗУСИНИ ЎТИШДА “МУАММО” ТЕХНОЛОГИЯСИДАН
ФОЙДАЛАНИШ
Аннотация:
Ушбу мақолада “Жалолиддин Мангуберди - Ватан қаҳрамони”
мавзусини ўтишда “Муаммо” технологиясидан фойдаланиш усуллари ва бу
технологиянинг ўқувчиларнинг билиш фаолиятини ўстиришдаги ўрнига
тўхталиб ўтилган.
Калит сўзлар:
Дарс, таълим, тарбия, технология, муаммо, ечим, инновация,
таҳлил, дунёқараш, тафаккур, билим, малака, кўникма.
“Янги Ўзбекистон” да тарих фанини ўқитишни замон талаблари
даражасига кўтариш ва инновациялардан фойдаланиб ўқувчиларни креатив
фикрлашга ўргатиш ҳозирги замоннинг долзарб вазифалардан бири бўлиб
қолмоқда. Бунинг учун умумий ўрта таълим мактабларида тарих фанини
ўқитишга замонавий ёндашувлар талаб этилмоқда.
Мамлакатимиз тарихининг муҳим таркибий қисми бўлган хоразмшоҳлар
давлати тарихини ўрганиш жараёнида
“Жалолиддин Мангуберди–Ватан
қаҳрамони” мавзусини илғор педагогик технологиялардан фойдаланиб ўтиш
ўқувчиларнинг билими, тарихий тафаккурини оширишга ёрдам беради. X-
XI асрларда жаҳоннинг машҳур савдо ва ҳунармандчилик марказларидан
бири бўлган хоразмшоҳлар давлатининг тарихи, мўғуллар истилоси даврида
танназулга юз тутиши сабалари, Муҳаммад Хоразмшоҳ ва Туркон хотун
ўртасидаги қарама-қаршиликлар, ўз муҳрига “Коинот аёлларнинг маликаси-
улуғ Туркон” ёки ўзини художўй қилиб кўрсатиш мақсадида “Умидим
фақат оллоҳдан”-дея калондимоғлик қилган Туркон хотуннинг ўз ўғлига
қилган адоватлари туфайли ичко низо, бошбошдоқлик кучайганлиги,
давлатнинг инқирозга учраганлиги масалаларини қўшимча маълумотлар
асосида баён қилиш ўқувчиларнинг тарих илмини ўрганишга бўлган
қизиқишларини орттиради. Ўзини “Искандари соний” деб ҳисобласада,
мўғулларга қарши кураш стратегиясини ишлаб чиқа олмай , бир хилват жой
топиш мақсадида Ашура оролига яшириниб олган ҳукмдорнинг қисматини
билиш ўқувчилар онгу- шуурида қўрқоқларга ва сотқинларга нафрат ҳис-
|
| |
