150
Moylarni almashtirish muddatlari. Moylarni almashtirish
muddatlarini belgilash mezoni sifatida ko‘pchilik hollarda moylar-
ning fizikaviykimyoviy ko‘rsatkichlari (qovushoqlik, kislotalilik,
tarkibidagi aktiv elementlar miqdori), moyning yemirilishga qarshi
xususiyatlarining o‘zgarishi, shuningdek, transmissiya agregatlari
detallarining holati qaraladi. Moyni almashtirish zaruratini belgi-
lovchi omillardan biri moy qovushoqligining me’yordan 50 foizga
ortishidir. Zamonaviy yengil avtomobillarning transmission moy-
larini almashtirish muddatlari turlicha va 60–75 ming km masofa
bosib o‘tilganidan so‘ng amalga oshiriladi. Ba’zi yengil avtomobil-
larda transmission moylar butun ish muddati davomida almashtiril-
maydi. Bunday moylar gipoid uzatmali yetakchi ko‘priklarda sinab
ko‘rilmoqda.
Yuk avtomobillarining transmission moylari, odatda, bir yil-
da bir martadan ortiq almashtirilmaydi, ekspluatatsiya sharoitiga
bog‘liq holda moyni almashtirish muddati 24–72 ming km deb
belgilangan. Alohida olingan moylarning almashtirish muddatlari
quyidagicha belgilangan: TCгип moyi uchun 24–30 ming km;
ТАД–17 moyi uchun 60–80 ming km; TAп–15B moyi uchun 24–
72 ming km; TCп–15K moyi uchun 36–72 ming km; TCп–10 moyi
uchun 35–50 ming km; TCп–14gip moyi uchun 36 ming km.
Respublikamiz mustaqillikka erishganidan so‘ng, avtomobil
xo‘jaligida xorijiy firmalar tomonidan ishlab chiqarilgan transmis-
sion moylar ham keng foydalanilmoqda. Shuning uchun respublika-
mizda, qolaversa, MDH davlatlarida ishlatilayotgan transmission
moylarning xorijiy firmalar moylari bilan o‘zaro almashuvchaligini
bilish muhim ahamiyatga ega (5. 9- jadval).
5. 9-jadval
