XI. Darslik bilan ishlash
Kurash.
16
Dunyodagi har bir millatning o’ziga xos kurash turi bo’lganidek o’zbeklarning kurash
hamda belbog’li kurash turlari bor. Bu kurash turlari avloddan-avlodga o’tib, bugungi
kunimizgacha yetib keldi. O’zbeklarning uzoq tarixga ega bo’lgan milliy sport turlaridan-kurash
asrlar davomida rivojlanib, kishilarga
zavq-shavq baxsh etib, mard yigitlarning mahoratini,
matonatini namoyish etib, keldi. O’sha vaqtlarda polvonlarning turli munosabatlar bilan o’tkazilgan
xalq sayillaridagi chiqishlarini va unda namoyish etiladigan xatti-harakatlari ko’pchilikni lol
qoldiradi.. Shuning uchun polvonlarning nomi el ichida e’zozlanadi. Polvonlar Eron, Turkiya,
Yunoniston, Hindiston va boshqa mamlakatlarga borib, o’z xalqi sharafini himoya qilardilar.
Kurash Temuriylar zamonida ham , undan keyin ham xalqning sevimli sport o’yinlaridan
bo’lib keldi. O’ziga xos kurashish mahorati bilan olamga dong taratgan o’zbek
polvonlar tarix
sahifasida o’chmas iz qoldirdilar. Bular Pahlavon Mahmud, Pahlavon Muhammad, Ahmad polvon,
Toji polvon va boshqalardir. Hozirda jismoniy tarbiyaga, ayniqsa, kurashga katta e’tibor qaratildi.
1998-yilning 6-sentabrida “Xalqaro kurash assotsiatsiyasi” tashkil etildi. Kurash-bu mard,
pahlavon, epchil ikki yigit o’rtasida o’tkaziladigsn olishuv, kuch sinashishdir. Yillar o’tishi bilan
kurashning usullari tiklanib, boyib, uning xalq hayotidagi o’rni, mazmuni,
mohiyati kengayib
boraveradi. Kurash bo’yicha birinchi jahon chempionati 1999-yil 1-2-mayda Toshkentda, ikkinchi
jahon chempionati 2000-yilda Turkiyaning Antalia shahrida, uchinchi jahon chempionati 2001-
yilda Vengriyada va to’rtinchi jahon chempionati Armanistonning Yerevan shahrida o’tkazilishi
kurashimizning tobora dunyoga keng yoyilayotganidan dalolatdir. Dunyo o’zbek polvonlari
Toshtemir Muhammadiyev, Kamol Murodov,
Akobir Qurbonov, Mahtumquli Mahmudov, ikki
karra jahon chempioni Bahrom Avazov, Shuhrat va Botir Xo’jayevlar san’atiga qoyil qolmoqda.
Angliya “Kurash federatsiyasi” prezidenti tashabbusi bilan Angliyaning Bedford shaxrida
har yili Islom Karimov turniri muvaffaqqiyatli o’tkazilib kelinmoqda. Bunda qirollikning barcha
hududlaridan qatnashgan polvonlar ichidan vakillarimiz 4
ta oltin, 1 ta kumush, 1 ta bronza
medallarini qo’lga kiritishdi. ( 2000 yil). Ayniqsa, qizlar o’rtasida kechgan bellashuvda Feruza
Hayitmetovaning ko’rsatgan natijasi quvonarlidir. U o’zbek qizlari orasida hali ham ajdodlari
To’maris, Barchinoy singarilar
borligini isbotlab, g’oliblikni qo’lga kiritdi.
Kurashimiz Osiyo o’yinlari dasturiga kiritildi. Hurmatli bolajonlar, agar siz kurash bilan
yoshlikdan shug’ullansangiz, sizni bo’lajak olimpiada o’yinlari va jahon chempionatlari kutadi.
