M. E. Mamarajabov, D. E. Toshtemirov, O‘. A. Yuldashev informatika o‘qitish metodikasi

339 
Muhokama uchun savollar va topshiriqlar: 
2.1. Informatika fanining asosiy tushunchalariga izoh bering. 
2.2. Axborot tushunchasiga ta’rif bering va uning ma’nosini 
izohlang. 
2.3. Algoritm nima va u qanday usullarda beriladi? 
2.4. Dastur va dasturlash tillari haqida ma’lumot bering. 
2.5. Axborot texnologiyasi tushunchasiga ta’rif bering. 
2.6. Axborotli texnologiyalarga misollar keltiring. 
2.7. Axborotning o‘lchov birliklari va ular orasida bog‘lanishni 
izohlang. 
2.8. Kodlash deganda nima tushuniladi? 
2.9. Egiluvchan diskning hajmini axborotning turli o‘lchov 
birliklarida ifodalang. 
2.10. Siz ishlayotgan kompyuterning qattiq diski hajmini aniqlang 
va uni axborotning barcha o‘lchov birliklarida ifodalang. 
 
Mustaqil ish topshiriqlari: 
1. Axborotlarning kompyuterlarda ifodalanishi. 
2. Kodlashtirish texnologiyalari to‘g‘risida ma’lumot. 
 
Foydalaniladigan adabiyotlar: 
Mavzu bo‘yicha echimini kutayotgan ilmiy muammolar: 
1. Axborot texnologiyalari imkoniyatlarini takomillashtirish. 
2. Axborot texnologiyalarini turli sohalarga qo‘llashning samarador 
usullarini ishlab chiqish. 
3. Axborot texnologiyalaridan ta’lim sifatini oshirishda foydalanish 
yo‘llarini takomillashtirish. 
11.2. Informatika va axborot texnologiyalari fani bo‘yicha amaliy 
laboratoriya mashg‘ulotlarini o‘tkazish metodikasi 
Ta’lim jarayonida ma’ruza mashg‘ulotlaridan tashqari yana bir 
qancha o‘quv mashg‘ulotlarining turlaridan keng foydalaniladi. 
“Informatika” fanini o‘qitishda qo‘llaniladigan asosiy o‘quv 
mashg‘ulotlarining ba’zilarini qarab chiqaylik. 
“Informatika” fanini o‘qitishda o‘quv mashg‘ulotlari ichida amaliy 
mashg‘ulotlar alohida ahamiyat kasb etadi. “Informatika” fanidan tashkil 
qilinadigan 
amaliy 
mashg‘ulotlarning 
asosiy 
maqsadi 
nazariy 
mashg‘ulotlarda olingan bilimlarni mustahkamlash bilan birga 

340 
o‘quvchilarga o‘zlarining kelajakdagi faoliyatlarida zamonaviy 
kompyuterlarni qo‘llash imkoniyatlarini ta’minlaydigan amaliy bilim va 
malakalar berishdan iboratdir. 
Zamonaviy pedagogik texnologiyalarga asoslangan ta’lim tizimida 
amaliy mashg‘ulotlarning mazmuni, maqsadi, vazifalari va ularning 
shakllari quyidagi talablarni o‘zida mujassamlashtirgan bo‘lishi lozim: 
– amaliy mashg‘ulotlarning bajarilishi natijasida o‘quvchilar o‘quv 
materiallarini qanday darajada o‘zlashtirilganligi aniqlanadi. Shuning 
uchun amaliy mashg‘ulot topshiriqlarini turli xil murakkablik darajada 
tavsiya qilish; 
– amaliy mashg‘ulotlar mazmunini yoritishda topshiriqlar tizimi har 
bir mavzu bo‘yicha ta’lim maqsadlarining mazmuniga mos bo‘lishini 
ta’minlash; 
– amaliy mashg‘ulotlar topshiriqlarini tuzishda o‘quvchilarning 
individual xususiyatlarini e’tiborga olish va boshqalar. 
– “Informatika” fanidan tashkil qilinadigan amaliy mashg‘ulotlar 
mazmuni o‘tilgan mavzularga mos ravishda mashqlar bajarish, 
o‘qituvchi tomonidan berilgan topshiriqlarni bajarish, ta’lim oluvchilar 
tomonidan mustaqil bajariladigan laboratoriya ishlaridan iborat bo‘lishi 
mumkin. 
– 
Ta’lim 
muassasalarida 
“Informatika” 
fanidan 
amaliy 
mashg‘ulotlarning vazifasi quyidagilardan iborat: 
1. Ta’lim oluvchilarda quyidagi amallarni bajarish ko‘nikmalarini 
shakllantirish; 
– kompyuterni ishga tayyorlash; 
– kompyuterga dastur kiritish va uni rostlash; 
– ixtiyoriy amaliy dastur bilan ishlash; 
– kompyuterning matn va grafik muharrirlari vositasidan 
foydalanish; 
– kompyuterning mavjud imkoniyatlari bilan tanishish; 
– ma’lumotlar, dasturlarning nusxalarini olish va ko‘paytirish va 
boshqalar. 
2. O‘quvchilarda mashqlar bajarish ko‘nikmalarini shakllantirish va 
rivojlantirish; 
– kompyuterda masala yechish bosqichlarini egallash; 
– mashqlar bajarish jarayonida nazariy bilimlarni masala yechishga 
tatbiq qilish; 
– mashqlar bajarish jarayonida ta’lim oluvchilar ijobiy fikrlash 
masalalarini rivojlantirish. 

341 
“Informatika” fanidan amaliy mashg‘ulotlar uchun tanlangan 
topshiriqlar mazmuni ixtiyoriy kasb egasiga zarur bo‘lgan amaliy 
ko‘nikma va malakaga asoslangan bilimlar minimumi darajasida bo‘lishi 
kerak. 
“Informatika” fanidan amaliy mashg‘ulotlar o‘qituvchi rahbarligida 
olib boriladi. Amaliy mashg‘ulotlar tashkil qilish va o‘tkazishda 
mashg‘ulotning mazmuni va maqsadini oydinlashtirish uchun amaliy 
mashg‘ulot ishlanmalari yaratiladi. Amaliy mashg‘ulot ishlanmalarining 
tarkibiy tuzilishi 2- rasmda keltirilgan. 
“Informatika” fanidan amaliy mashg‘ulot o‘tkazish uchun 
tayyorlanadigan ishlanmalarning tarkibiy tuzilishi

Download 5,02 Mb.