6
yig‘ilishida ta’lim-tarbiya sohasida zamonaviy va oqilona tizim yaratish,
o‘qitish metodlari, ta’lim
standartlari, darslik va o‘quv qo‘llanmalarini
yangilash zarurligi, bilim berishda ilg‘or xorijiy tajribalardan foydalanish,
tarbiyada esa milliy an’ana va qadriyatlarga suyanish muhimligi qayd
etildi.
Bunday vazifalarni amalga oshirishda bilimdon mutaxassis
kadrlarni tayyorlash, inson salohiyatini yuzaga chiqarish esa har jihatdan
pedagoglarga, ularning bilimdonlik bilan bor mahoratlarini ishga solgan
holda o‘qitish jarayonini tashkil qilishi va dars berishiga bog‘liq. Bunda
o‘quv jarayonini tashkil etish, talabalaning chuqur bilim olishiga yordam
beruvchi o‘quv uslublarini qo‘llashga alohida e’tibor qaratilmoqda.
Hozirgi davrda o‘quv jarayonini tashkil etish o‘qituvchidan faqat chuqur
bilimgina emas, balki pedagogik mahoratga ega bo‘lishlarini, dars
berishning turli metodlarini bilishni hamda o‘zi ustida tinmay ishlashni
talab qiladi.
Oliy o‘quv yurtining, ayniqsa pedagogika yo‘nalishidagi oliy ta’lim
muassasalarining talabalari esa faqatgina fan mazmunini bilishgina
emas, keng doiradagi pedagogik muammolarni aniqlash, tahlil qilish,
pedagogik sohaning rivojlanish istiqbollariga baho berish, bu o‘zgarishlar
kelajakda qanday pedagogik natijaga olib kelishi mumkinligini his qila
bilishini o‘rgatish lozim. Buning uchun esa metodik fanlarni chuqur
bilish talab qilinadi. Fanni o‘rganish uchun to‘g‘ri metod tanlash muhim
ahamiyatga ega. Dars o‘tishda to‘g‘ri metod tanlanmasa, nazariy
jihatdan o‘qituvchining bilimi yuqori bo‘lishidan qatiy nazar, kutilgan
natijani bermaydi. O‘qituvchining bilimi pedagogik mahorati va darsni
tashkil etish texnikasi qo‘shilgandagina o ‘quv jarayonini sifatli tashkil
etishga olib keladi. Bu esa o ‘quv jarayonini tashkil etishda turli metodlar
va vositalardan foydalanishni bilishni talab etadi. Fanlarni o‘qitish
metodikasi aynan ana shu maqsadga qaratilgan. U o‘qitish metodlari va
dars jarayonida qo‘llash yo‘llari, usul va vositalarni o‘rgatadi.
Fanlarni
o‘qitish metodikasi (Metodika, metodologiya)ning
predmeti, bu biror bir fanni o‘qitish (dars berish) jarayoni hisoblanadi.
Odatda, metodika (uslubiyat) deganda ilmiy bilish faoliyatining shakllari
va metodlari majmui haqidagi fan tushuniladi. Bu nazariy jihatdan
qo‘yilgan maqsadga yetish, haqiqatni, reallikni, faoliyatni nazariy yoki
amaliy bilish, o‘rganishning usullari yoki operatsiyalari majmuidir.
