Misni legirlash usuli
bilan uning mustahkamligini,
texnologik xossalarini,
antifriksion va boshqa maxsus xususiyatlarini boshqarish mumkin. Shu
maqsadlarda rux, qalay, alyuminiy, kremniy, berilliy,
marganes, nikel kabi
elementlar ko'proq qo'llaniladi.
Mashinasozlikda keng qo'llanilayotgan mis qotishmalari
jez (latun)
va
bronzalar
hamda
mis-nikel
qotishmalari muhim ahamiyatga ega.
Ularni
texnologik xususiyatlari bo'yicha quyma va deformasiyalanadigan qotishmalar,
termik
ishlash
natijasida
mustahkamligi
oshadigan
va
oshmaydigan
qotishmalarga ajratish mumkin.
Mis qotishmalarida rux asosiy legirlovchi element bo'lsa, bunday
qotishmalar
jez (latun)lar deb ataladi. Qotishmada legirlovchi
element sifatida
qalay, alyuminiy, berilliy, kremniy, qo'rg'oshin kabi ko'p
elementlar ishlatilsa,
bunday qotishmalar
bronzalar deb ataladi. Lekin bronzalarda ham rux bo'lishi
mumkin, lekin u qo'shimcha legirlovchi element hisoblanadi.
