|
Metallarni qizdirib bosim ostida ishlash
|
| bet | 110/123 | | Sana | 15.05.2024 | | Hajmi | 14,49 Mb. | | #234931 |
Bog'liq Mat va KMT darslikMetallarni qizdirib bosim ostida ishlash – metallarni rekristallanish haroratidan yuqori haroratlarda deformatsiyalash.
Metallarni sovuqlayin bosim ostida ishlash – metallarni rekristallanish haroratida past haroratlarda deformatsiyalash.
Metallarning birlamchi kristallanishi – metallaning suyuq holatdan qattiq holatga o‘tishi.
Metallarning mexanik xossalari – tashqi kuchlar ta’siri ostida metallaning o‘zini tutushini belgilaydigan tavsiflar.
Metalning puxtaligi – metalning deformatsiyaga ko‘rsatadigan qarshiligi.
Metalning sovish egri chiqig‘i – metalning sovish jarayonida uning issiqligining o‘zgarishini ko‘rsatadigan grafik tasvir.
Mexanik aralashmalar – komponentlari suyuq holatda bir-birida eriydigan, qattiq holatda erimaydigan va o‘zaro kimyoviy birikma hosil qilmaydigan qotishmalar.
Mikroshlif – mikroskop ostida kuzatish uchun mahsus ishlov berib tayyorlangan metall namunasi.
Mikrstruktura – mikroshlif mikroskop ostiga qo‘yib qaralganda ko‘rinadigan struktura.
Mineralokeramik qattiq qotishmalar – o‘z tarkibida alyuminiy oksidi (Al2O3) bo‘lgan minerial materiallni preslash va pishirish yuli bilan olinadigan materiallar.
Modifikatorlar – suyuq metalga mayda donalar hosil qilish uchun qo‘shiladigan moddalar (zarralar).
Monokristall – atomlarning muayyan tartibda joylashuvi natijasida hosil bo‘lgan geometrik jihatdan muntazam shakldagi jism.
Naklyop – metalning plastik deformatsiya natijasida puxtaligi va qattiqligi ortib, plastikligini kamayish hodisasi.
O‘ta sovish darajasi – metalning muvozanat harorati bilan haqiqiy kristallanish harorati orasidagi ayirma.
Olovbardosh po‘latlar – yuqori (550oC dan baland) haroratlarda gazlar ta’siri ostida yemirilmaydigan po‘latlar.
Oq cho‘yan – tarkibidagi uglerod temir bilan kimyoviy birikma (sementit) hosil qilgan, qattiq va mo‘rt cho‘yan.
|
| |
