|
Materialshunoslik va konstruksion materiallar texnologiyasi
| bet | 111/123 | Sana | 15.05.2024 | Hajmi | 14,49 Mb. | | #234931 |
Bog'liq Mat va KMT darslikPayvandlanuvchanlik – metall va qotishmalarning payvandlashda puxta va zich birikma hosil qila olish xususiyati.
Perlit – ferrit bilan sementetning mayin mexanikaviy aralashmasi.
Plastiklik – metalning ma’lum sharoitda tashqi kuchlar ta’sirida yemirilmay o‘z shaklini asliga qaytmaydigan tarzda o‘zgartira olish xususiyati.
Plastmassalar – organik polimer bog‘lovchilar asosida olinadigan sun’iy materiallar.
Po‘latga kimyoviy – termik ishlov berish – po‘latning yuza qatlamining tarkibi, strukturasi va xossalarini o‘zgartirish maqsadida har xil elementlar (uglerod, azot, bor va b) bilan to‘yintirish jarayoni.
Po‘latni bo‘shatish – toblanagan po‘latni Ac1 kritik nuqtadan past haroratlargacha qizdirib, shu haroratlarda ma’lum vaqt tutib turilgandan keyin sekin yoki tez sovitish jarayoni.
Po‘latni normallash – evtektoiddan oldingi po‘latlarni Ac3 nuqtadan, evtektoiddan keyingi po‘latlarni Acm nuqtadan 30…50C yuqori haroratgacha qizdirib, shu haroratda po‘lat strukturasi nuqul austinitdan iborat bo‘lguncha tutib turilgandan keyin havoda sovitish jarayoni.
Po‘latni toblash – po‘latni Ac3 va Ac1 haroratlardan yuqori haroratlargacha qizdirib, po‘lat strukturasida zarur o‘zgarishlar bo‘lguncha tutib turilgandan keyin tez sovitish jarayoni.
Po‘latni yumshatish – po‘latni ma’lum haroratgacha qizdirib, shu haroratga zarur payt tutib turilgandan keyin sekin sovitish jarayoni.
Po‘latning toblanuvchaligi – toblash natijasida po‘latning o‘z qattiqligini oshira olish xususiyati.
Polikristall – har xil tarzda joylashgan monokristallar majmui.
Puxtaligi yuqori bo‘lgan cho‘yan – tarkibidagi erkin uglerod (grafit) sharsumon shaklda mavjud bo‘ladigan cho‘yan.
Qattiq eritmalar – qotishmaning bir komponenti atomlarining ikkinchi komponent kristall panjarasiga singishi yoki o‘rin almashishi natijasida hosil bo‘ladigan turi.
|
| |