|
Biogaz qurilmasini ishlatish jarayoni
|
| bet | 53/100 | | Sana | 11.12.2023 | | Hajmi | 3,21 Mb. | | #115463 |
Bog'liq 14415 2 6BCAAD1C053929B1EB564DE24E4C5A9C7D2724A7 (1)Biogaz qurilmasini ishlatish jarayoni. Biogaz qurilmasini ishlatish davomida yuklanadigan xomashyo miqdoriga e’tibor qaratish kerak. Xomashyoning qancha solinishi, uning turiga, yangiligi va bijg‘ish haroratiga bog‘liq. Issiqlik sharoitida ishlaydigan qurilmalarning bir kunlik miqdori umumiy xomashyo hajmiga nisbatan 20% gacha bo‘lishi mumkin.
Qizdirilmaydigan sharoitda ishlaydigan bo‘lsa, eng kam ulish (1 – 10)%, bunda biogaz kam ajraladi.
Agar xomashyo yuklash miqdori oshib ketsa, biogaz tarkibida metan kamayib,
uglerod gazi miqdori oshib ketadi. Shuning uchun issiqliksiz sharoitda ishlaydigan qurilma uchun yuklash (6 – 10)% bo‘lgani maqsadga muvofiq bo‘ldi.
Bijg‘ish jarayoni murakkab biokimyoviy o‘zgarishlar bilan kechib, biogaz qurilmasi faoliyati muvaffaqiyatli amalga oshishi uchun kerakli sharoitlar yaratishi va ular mukammal bo‘lishi lozim. Har xil bakteriyalarning yashashi uchun ma’lum bir
harorat kerak bo‘ladi.
Biogaz chiqindilaridan bioo‘git olish qurilmalarining bir necha xil ko‘rinishlari yaratilgan. Ushbu qurilmalardan birining tuzilishi va ishlash jarayoni bilan tanishib
chiqsak. Mazkur qurilmalarning ishlashi va samaradorligi ko‘plab omillarga, masalan,
haroratga, zichlik, zarur bakteriyalar miqdori, biokimyoviy muvozanat, uglerod-azot munosabati va boshqa omillarga bog‘liq. Ishlatib bo‘lingan massa o‘zida yuqori miqdordagi azot va fosforni saqlab qoladi va undan tayyor o‘git sifatida foydalanish mumkin.
Quyosh energiyasi hisobida ishlovchi distillangan suv va bioo‘g‘it oluvchi kombinasiyalashgan qurilma varianti yaratilgan. Bioo‘g‘it oluvchi qurilmaning umumiy ko‘rinishi 1.36-chizmada ko‘rsatilgan. Quyosh nurlari betondan yasalgan qurilma ichiga tushadi aralashmani qizdiradi suv bug‘lanib shishaning ichki sirtida kondensasiyalanib disttillyat bo‘lib, jo‘mrakka tushadi. Qurilma ichida qolgan aralashma qizigandan keyin yig‘ishtirib olinadi.
Muqobil energiya manbasi quyosh energiyasi asosida ishlaydigan betondan
yasalgan qurilmaning elementi 20 m2 foydali yuzaga ega bo‘lib (uzunligi 10 m , eni 2 m va devorining balandligi 0,2 m ), bunday elementlarni ko‘paytirish va yordamchi qismlarni o‘zgartirish orqali unumdorligi kattaroq bo‘lgan qurilmalarni yaratish mumkin.
1.36-chizma. Kombinasiyalashgan qurilmaning umumiy ko‘rinishi. 1–shisha qoplama, 2–distillangan suv chiquvchi quvur, 3–qurilma yon devoir, 4–aralashma (substrat) solinadigan taglik, 5–shishasi ochilib bioo‘g‘it olinadigan maxsus joy
Aralashma uchun tayyorlangan maxsus idish hajmi 10 tonnagacha bo‘lishi mumkin, ma’lum balandlikka o‘rnatilsa qurilmaga aralashmaning oqib kelishi qulay bo‘ladi. Distillyat uchun o‘rnatilgan quvurlar ham ma’lum qiyalik ostida ulansa, suvning yig‘ilishiga qulay imkoniyat tug‘iladi. Quyosh energiyasi asosida ishlaydigan bioo‘g‘it olish qurilmasiga solinadigan (biogaz olingan) aralashma maxsus avtomashinalar yordamida olib kelinadi.
|
| |
