|
Oʻquvchilarni kasbga yoʻnaltirish va psixologik xizmat Shoʻbasi boshligʻi lavozim
Pdf ko'rish
|
| bet | 143/322 | | Sana | 17.05.2024 | | Hajmi | 3,57 Mb. | | #239820 |
Bog'liq lavozim yoʻriqnomalariOʻquvchilarni kasbga yoʻnaltirish va psixologik xizmat Shoʻbasi boshligʻi lavozim
yoʻriqnomasi
1-bob. Umumiy qoidalar
1. Mazkur lavozim yoʻriqnomasi Oʻquvchilarni kasbga yoʻnaltirish va psixologik xizmat
shoʻbasi boshligʻi
(bundan buyon matnda – shoʻba boshligʻi)ning lavozim majburiyatlari,
huquqlari va javobgarliklarini belgilab beradi.
2. Shoʻba boshligʻi Oʻzbekiston Respublikasi Maktabgacha va maktab taʼlimi vazirligi
Oʻquvchilarni kasbga yoʻnaltirish boʻlimi bilan kelishgan holda Qoraqalpogʻiston Respublikasi
Maktabgacha va maktab taʼlimi vaziri, Toshkent shahar va viloyatlar maktabgacha va maktab
taʼlimi boshqarmalari (keyingi oʻrinlarda Hududiy boshqarma) boshligʻi buyrugʻiga koʻra
lavozimga tayinlanadi va lavozimdan ozod etiladi.
Shoʻba boshligʻi bevosita boshliqqa boʻysunadi va oʻz faoliyatini boshqarma rahbariyati
tomonidan tasdiqlangan ish rejasi asosida amalga oshiradi.
3. Shoʻba boshligʻi Oʻzbekiston Respublikasi Konstitutsiyasi va qonunlariga, Oʻzbekiston
Respublikasi Oliy Majlisi qarorlariga, Oʻzbekiston Respublikasi Prezidenti Farmonlari, qarorlari
va farmoyishlariga, Oʻzbekiston Respublikasi Vazirlar Mahkamasining qarorlari va
farmoyishlariga, vazirlikning hayʼati qarorlari, vazirning buyruqlariga hamda boshqarma
boshligʻi koʻrsatmalariga (bundan buyon matnda Oʻzbekiston Respublikasi Prezidenti va
Hukumati hamda vazirlikning hujjatlari) amal qilgan holda faoliyatini olib boradi.
2-bob. Shoʻba boshligʻining majburiyatlari
4. Shoʻba boshligʻi quyidagilarni amalga oshiradi:
Oʻzbekiston Respublikasi Prezidenti, Vazirlar Mahkamasining tegishli qarorlari va boshqa
qonun hujjatlari, vazirlik hayʼati qarorlari, vazir va uning oʻrinbosarlarining buyruqlari va
topshiriqlari bilan oʻzlariga yuklangan vazifalar va funksiyalarning oʻz vaqtida taʼminlash hamda
idoraviy mansub tashkilotlar tomonidan bajarilishini nazorat qilish;
yoʻnalishi boʻyicha kadrlarni tanlash va joy-joyiga qoʻyish boʻyicha boshqarma
boshligʻiga takliflar taqdim etish, ularning professional, oʻz ishini bilishi, amaliy tajribaga,
yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini
taʼminlash, ularning kasbiy malakasini oshirish chora-tadbirlarini koʻrish, mutasaddilik
qilinadigan boʻlinmalarda kadrlar zaxirasini shakllantirish;
yoʻnalishi boʻyicha xodimlarni ragʻbatlantirish va intizomiy javobgarlikka tortish, shu
jumladan, ularning egallab turgan lavozimida qolishi maqsadga muvofiqligi masalasini koʻrib
chiqish boʻyicha takliflarni boshqarma boshligʻi (vazir)ga kiritish, funksional vazifalar va
yuklangan vazifalar bajarilishi uchun ularning shaxsiy masʼuliyatini oshirish boʻyicha tizimli
chora-tadbirlar koʻrish;
oʻz yoʻnalishi boʻyicha taʼlim muassasalarida oʻquvchilarni kasbga yoʻnaltirish boʻyicha
amaliy-uslubiy yordam berish;
turli yoshdagi iqtidorli va salohiyatli bolalarni aniqlash tadbirlarini oʻtkazish, ularni
saralash va taʼlim tizimining ayrim fanlar chuqurlashtirilib oʻqitiladigan ixtisoslashtirilgan davlat
umumtaʼlim maktablari va ixtisoslashtirilgan maktab-internatlariga qabul qilish komissiyasi
faoliyatida ishtirok etish;
5. Shoʻba boshligʻi quyidagilarni bajarishi shart:
ichki mehnat tartibi qoidalari, jamoa va mehnat shartnomalarining talablari va shartlari,
mehnat muhofazasi va texnika xavfsizligi qoidalari va meʼyorlariga amal qilishi;
Boshqarma boshligʻi buyruqlarida yuklatilgan tegishli topshiriqlarni oʻz vaqtida va sifatli
bajarishni taʼminlashi;
bajarilgan ishlar toʻgʻrisida Boshqarma boshligʻi oldida hisobot berishi.
|
| |
