Taʼlim tashkilotlari infratuzilmasini rivojlantirish Shoʻbai boshligʻining lavozim
yoʻriqnomasi
1-bob. Umumiy qoidalar
1. Taʼlim tashkilotlari
infratuzilmasini rivojlantirish Shoʻba
(keyingi oʻrinlarda –
Shoʻba boshligʻi) lavozimiga oliy maʼlumotli, oʻzbek va rus tillarini biladigan (ingliz va boshqa
xorijiy tillari maʼqullanadi), tegishli sohada kamida 2 yillik ish tajribasiga ega mutaxassis
tayinlanadi.
2. Shoʻba boshligʻi Maktabgacha va maktab taʼlimi boshqarmasining boshligʻi (keyingi
oʻrinlarda – Boshliq) tomonidan Vazirlik bilan kelishilgan holda buyruq asosida tayinlanadi va
ozod etiladi.
Shoʻba boshligʻi bevosita boshliqqa boʻysunadi va oʻz faoliyatini boshqarma rahbariyati
tomonidan tasdiqlangan ish rejasi asosida amalga oshiradi.
3. Shoʻba boshligʻi Oʻzbekiston Respublikasi Konstitutsiyasi va qonunlariga,
Oʻzbekiston Respublikasi Oliy Majlisi qarorlariga, Oʻzbekiston Respublikasi Prezidenti
Farmonlari, qarorlari va farmoyishlariga, Oʻzbekiston Respublikasi Vazirlar Mahkamasining
qarorlari va farmoyishlariga, vazirlikning hayʼati qarorlari, vazirning buyruqlariga hamda
boshqarma boshligʻi koʻrsatmalariga (bundan buyon matnda Oʻzbekiston Respublikasi
Prezidenti va Hukumati hamda vazirlikning hujjatlari), “Oʻzbekiston Respublikasi Maktabgacha
va maktab taʼlimi vazirligi Markaziy apparatida ish yuritish va hujjatlar ijrosini nazorat qilish
toʻgʻrisidagi Yoʻriqnoma” hamda mazkur yoʻriqnomaga amal qilgan holda faoliyatini olib
boradi.
