|
-bob. Bosh yuriskonsultning huquqlariBog'liq lavozim yoʻriqnomalari3-bob. Bosh yuriskonsultning huquqlari
20. Bosh yuriskonsult quyidagi huquqlarga ega:
Boshqarmaga kelib tushayotgan normativ-huquqiy hujjatlarni tanishish, xizmatda
foydalanish va ularning tizimlashtirilgan hisobini yuritish uchun birinchi navbatda olish;
Boshqarma, uning huzuridagi tashkilotlar va muassasalar mansabdor shaxslaridan yuridik
xizmatga yuklangan vazifalar va funksiyalarni bajarish uchun zarur boʻlgan hujjatlar va
maʼlumotlarni olish;
Shoʻba boshligʻining topshirigʻiga asosan vazir tomonidan chaqiriladigan huquqiy
masalalarga tegishli yigʻilishlar, kengashlar va majlislarda ishtirok etish;
Boshqarma rahbariyatining topshirigʻiga koʻra yoki tegishli tuzilma rahbarining roziligi
bilan ularning xodimlarini normativ-huquqiy hujjatlar va boshqa hujjatlar loyihalarini tayyorlash
uchun, huquqiy ishlarni amalga oshirish bilan bogʻliq boshqa tadbirlarga jalb qilish;
qonunchilikka zid boʻlgan, qonunchilik texnikasi talablariga javob bermaydigan normativ-
huquqiy hujjatlar va boshqa hujjatlar loyihalarini ijrochilariga puxta ishlash uchun qaytarish, oʻz
eʼtirozlarini asoslagan holda, aniqlangan kamchiliklarni bartaraf etish toʻgʻrisida huquqiy
xulosalar berish, rahbariyat topshirigʻiga koʻra yoki oʻz tashabbusi bilan boshqa tuzilmalar bilan
birgalikda ushbu loyihalarni puxta ishlanishida ishtirok etish;
Boshqarma huzuridagi tashkilotlar va muassasalarda Boshqarma vakolatiga kiradigan
masalalar boʻyicha qonunchilik hujjatlariga rioya qilinishi masalalarini oʻrganish;
Boshqarma, shuningdek uning huzuridagi tashkilotlar va muassasalarning qonunchilik
hujjatlari bajarilishini taʼminlamayotgan yoxud ularni buzayotgan rahbarlari va xodimlarini
javobgarlikka tortish haqida rahbariyatga takliflar kiritish;
Shoʻba boshligʻining topshirigʻiga asosan Boshqarmada, shuningdek uning huzuridagi
tashkilotlar va muassasalarda yoki Boshqarma tomonidan oʻtkaziladigan tekshirishlar, taftishlar
va xatlovlarda, shuningdek ularning yakunlari boʻyicha hujjatlarni koʻrib chiqishda ishtirok etish
hamda aniqlangan huquqbuzarliklar yuzasidan huquqiy xulosalar berish;
talabnoma-daʼvo tartibida davlat organi va tashkiloti foydasiga hal qilingan nizolar
yuzasidan undirilgan summaning 5 foizi, biroq eng kam oylik ish haqining 50 barobardan koʻp
boʻlmagan miqdorda mukofot olish.
Bosh yuriskonsult qonunchilik hujjatlariga muvofiq boshqa huquqlarga ham ega boʻlishi
mumkin.
21. Shoʻba boshligʻi vaqtincha ishda boʻlmaganda (mehnat taʼtili, vaqtincha mehnatga
layoqatsizlik, xizmat safari va boshqa sabablarga koʻra) yoki mazkur lavozim boʻsh (vakant)
boʻlganda uning vazifasini bosh yuriskonsult amalga oshiradi.
|
| |
