158
- takrorlanuvchi standart birliklarning mavjudligi;
-turdosh ishlarning mavjudligi;
- iloji boricha kamroq asboblar va moslamalardan foydalanish imkoniyati.
Yigʻuv operatsiyalari differensiatsiya va konsentratsiya
tamoyili asosida
tuzilishi lozim. Operatsiyalar differensiatsiyasi oqimli yigʻishda qoʻllaniladi,
konsentratsiya – qolgan barcha hollarda qoʻllaniladi.
Operatsiyalar konsentratsiyada texnologik oʻtishlarni ketma-ket,
parallel yoki
aralash usulda bajarilishini nazarda tutish lozim.
Texnologiyaboplikning qoʻshimcha baholash koʻrsatkichlari sifatida buyumni
tayyorlash uchun ishlatiladigan material markasining
unifikatsiya darajasini,
aniqlikning oʻrtacha kvaliteti koeffitsiyenti, detallar yuzalarining gʻadir-budirligi
parametrlarini., buyumni tayyorlashning avtomatlashtirilishi
imkoniyatlarini qabul
qilish mumkin. Konstruksiyaning texnologiyabopligi tushunchasi nisbiy tushuncha
va uni ishlab chiqarishning seriyaliligi bilan bogʻlash lozim.
Loyihachi mashinalarni loyihalashda umumiy va uzelli yigʻishning yuqori unumli
texnologik jarayonlarini tuzish imkoniyatlarini hisobga olishi zarur. Mashinaning
konstruksiyasi uni avvaldan toʻplangan uzellardan yigʻishga imkon berishi zarur.
Ushbu imkoniyat bir necha uzellarni parallel yigʻish va mashinani jami yigʻish
muddatini qisqartirishga qaratilgan boʻlishi lozim.
Standart, meʼyorlashgan va
unifikatsiyalashgan detallar va uzellardan foydalanishga intilish lozim,
yuqori
unumli mexanizatsiyalashgan asbob-uskunalarni detallarni yigʻish joylariga
uzatilishini taʼminlash hamda ularni yuk koʻtarish qurilmalarining ushlagichlari
bilan ushlashni taʼminlashi lozim.
