88
Muomala jarayonida va hamkorlik faoliyatida o‘qituvchining talabalarga ta’sir o‘tkazish
natijasida ularda:
- o‘z-o‘zini va o‘zgalarni hurmat qilish;
- o‘z-o‘zini va boshqalar faoliyati, xulqini baholash;
- o‘z-o‘zini nazorat va o‘zgalarni nazorat qilish;
- o‘z-o‘zini boshqarish (ham bilish faolyaitida, ham xulq atvorda)
- o‘z-o‘zini takomillashtirish va yangi fazilatlarni egallash shakllanadi.
Do‘stona muomala o‘quvchi (talaba) bilan o‘qituvchi o‘rtasidagi bilimlarni puxta o‘zlash-
tirishni ta’minlaydi va mukammal shaxsiy fazilatlarni tarkib toptirishga xizmat qladi.
Pedagogik jarayonda sodir bo‘ladigan muomala odobi muallimning axloqiy madaniyati,
tarbiyalanganlik darajasini aks ettiradi. Muallimning pedagogik kasb egasi sifatida o‘ziga, o‘z
kasbiga, o‘quvchilarga bo‘lgan munosabati uning muloqotida yaqqol namoyon bo‘lishi mumkin.
Hozirda katta ahamiyatga ega shaxslararo aloqalarni o‘rnatishda, shuningdek, o‘qituvchi va
talabalar o‘rtasidagi munosabatlarni o‘rnatishda psixologik bilimlarga beriladi.
Psixologik-pedagogik muloqot o‘qituvchi-pedagogning o‘quvchilar, hamkasblar, ota-onalar,
shuningdek, davlat boshqaruvi va ta’lim organlari vakillari bilan o‘zaro munosabatlarini o‘z ichiga
oladi.
Psixologik-pedagogik muloqotning o‘ziga xosligi o‘qituvchining bolalar bilan muloqot
qilishda ijtimoiy va differentsial psixologiya sohasidagi psixologik kompetentsiyasidir.
