68
Kul suvi bilan ishlov berishda ba’zi omillarning ta’siri
Kul suvida ishlov berishda quyidagi omillar ta’sir ko‘rsatadi:
– konservalash usuli;
– ivitish jarayonining to‘la o‘tkazilganligi;
– ishlov berish suyuqligining harorati;
– reagentlar kontsentratsiyasi;
– suyuqlik koeffitsienti;
– mexanik ta’sir;
– ishlov berilgan suyuqlik yoshi.
1. Kul suvida ishlov berishni olib borishda terilarning
konservalangan usuli va ivitishni to‘la olib borilgani ta’sir
ko‘rsatadi.
Agar terilar yaxshi ivitilmagan bo‘lsa,
kullash jarayonida
terilar yuzasi tortilib, uning sifati buziladi.
2. Yangi tayyorlangan suyuqlik bilan kul suvida ishlov berish
bilan ishlatilgan suyuqlikda ishlov berish bir-biridan farq qiladi.
Ishlatilgan suyuqlikda, tuz, ammiak va aminlarni bo‘lishi
junsizlantirishni osonlashtiradi va bu jarayon tez boradi.
3. Kul suvida ishlov berishda haroratni oshirish bilan ishlov
berish tezlashadi, lekin oqsillarning yuvilishi oshadi.
4. Mexanik ta’sir kul suvi bilan ishlov berishga ta’sir
ko‘rsatadi. Ishlov berish asosan barabanlarda olib boriladi, bu bilan
ishlov berish
kontsentratsiyasi suyuqlikda, bir xil bo‘ladi va
mexanik ta’sir yordamida junsizlantirish tezlashadi.
5. Kul suvida ishlov berishda ishlab chiqariladigan charm
turiga e`tibor beriladi. Chunki ishlov berish uzoq muddatda olib
borilsa, ishlab chiqariladigan charm yumshoqroq bo‘lib chiqadi.
Haddan tashqari uzoq muddatda kullashni
davom ettirishda teri
po‘kak bo‘lib, uning mustahkamligi pasayib ketishi mumkin.
6. Ishlov berish vaqtida ohak suvining dispersligiga katta
e`tibor beriladi, chunki bundan ohak suvining shimilishi bog‘liq
bo‘ladi.
