89
shu jumladan vertikalga yo‘nalishga ham harakatlashtirish mumkin.
Aslini olganda, bu maxsus, skanerlash uchun moslashtirilgan, raqamli
kameradir. Ba’zi hollarda universal raqamli kameralar, agar ularning
xarakteristikalari (ravshanligi, sezgirligi, shovqin miqdori, fotografik
kenglik) raqamlashtirishning istalgan sifatiga mos keladigan bo‘lsa,
ularni skanerlash uchun foydalanish mumkin.
5. Slayd skanerlari.
Ular slaydlarni va ma’lum
cheklovlar bilan
negativlarni skanerlash uchun mo‘ljallangan. Cheklovlar rangli
negativlarda maxsus niqob mavjudligi bilan bog‘liq bo‘lib, uni
skanerlangan tasvirdan olib tashlash kerak. Buning uchun ko‘plab
skanerlar turli ishlab chiqaruvchilar va har xil turdagi filmlar uchun
niqob profili bilan ta’minlangan. Biroq, profil har bir aniq negativga
to‘liq mos kelishiga ishonch hosil qilish iloji yo‘q. Ular plyonka ishlab
chiqarilgan
yili yoki joyiga, uni qayta ishlash texnologiyasiga qarab
farqlanadi.
Ba’zi ishlab chiqaruvchilar o‘zlarining slayd-skanerlarini bir nechta
umumiy profillar bilan to‘ldiradilar yoki ularni umuman to‘ldirmaydilar.
Agar slayd skaner “ilg‘or” bo‘lsa (va shunga mos ravishda qimmat),
unda uning ish natijalarini kompyuterda RAW formatida olish mumkin
va puxta professional maxsus grafik tahrirlagich dasturi yordamida
natijadan niqobni olib tashlashi mumkin. Aks holda, ranglar va soyalar
qaytarib bo‘lmaydigan tarzda aralashib ketishi mumkin.
Aksariyat
hollarda ixtisoslashtirilgan slayd-skanerlar planshetli skanerlardagi
slayd modullaridan ko‘ra afzalroqdir (hech bo‘lmaganda 35 mm
plyonkada, kamida 2400 dpi bo‘lishi kerak bo‘lgan haqiqiy nusxalar
talab qilinishi tufayli).
