16
Bir nechta video yozish formatlari mavjud. Ulardan ba’zilari
CDROM diskidan standart Windows media pleyer bilan o‘qilishi
mumkin. Bu katta afzallikka ega, chunki u maxsus apparat va dasturiy
ta’minotni talab qilmaydi. Lekin tasvir sifati unchalik yuqori emas.
Maxsus formatlar (DV – raqamli video) juda yuqori tasvir sifati va
yozib olish zichligini ta’minlaydi, lekin maxsus uskunalar (DVD,
yuqori samarali grafik karta qurimalari) va dasturiy ta’minotni talab
qiladi.
Bundan tashqari, bunday disklarni yuqori sifatli ijro etish uchun
kompyuter resurslari, birinchi navbatda protsessorning soat chastotasi
va operativ xotira miqdori ortishi kerak. Shunga qaramay, kompyuter
texnologiyalari taraqqiyoti shunchalik tez rivojlandiki, hozirda ham
asosiy funksiyalari bilan bir qatorda, kompyuter magnitafon, radio
qabul qilgich, televizor, videomagnitafon, faks, telefon va boshqalar
sifatida ishlatilishi mumkin. Bundan tashqari, uning signallarni qayta
ishlash funksiyasi an’anaviy qurilmalarga qaraganda ancha yuqori.
