2
Bilim sohasi:
1000000 - Xizmatlar
Ta’lim sohasi:
1010000 - Xizmat ko‘rsatish sohasi
Bakalavriat ta’lim
yo’nalishlari:
61010100 – Mehmonxona xo’jaligini tashkil
etish va boshqarish
61010400- Turizm (faoliyat yo’nalishlari
bo’yicha)
Bilim sohasi:
400000 - Biznes, boshqaruv va huquq
Ta’lim sohasi:
410000 - Biznes va boshqaruv
Bakalavriat ta’lim
yo’nalishi:
60412200 – Moliya sohasida boshqaruv
Bilim sohasi:
300000 - Ijtimoiy fanlar, jurnalistika va axborot
Ta’lim sohasi:
310000 - Ijtimoiy va
hulq atvorga oid fanlar
Bakalavriat ta’lim
yo’nalishi:
60310100 – Iqtisodiyot (tarmoqlar va sohalar
bo’yicha)
Bakalavriat ta’lim
yo’nalishi:
60310400 – Iqtisodiy xavfsizlik
5
KIRISH
O’zbekistonda iqtisodiyotni erkinlashtirish, modernizatsiya qilish va milliy
iqtisodiyotning jahon xo’jaligiga oqilona va samarali integratsiyalashuvi bosqichida
bozor qonuniyatlariga asoslangan milliy xo’jalik bosqichma-bosqich shakllanib
bormoqda, uning tarkibi, xususan, tarmoq va hududiy tuzilishi takomillashtirilmoqda.
Bozor transformatsiyasi jarayonlarida milliy iqtisodiyot amal qilishi va rivojlanishida
o’ziga xos tendensiya va qonuniyatlar yuzaga chiqmoqda.
Mamlakatimizda
mavjud moddiy, iqtisodiy, intellektual resurslardan oqilona
foydalanish, cheklangan zahiralardan yuqori samara olish, aholi turmush darajasining
pasayib ketishining oldini olish va muttasil oshirib borish, inqirozning salbiy
oqibatlarini yumshatish va barqaror iqtisodiy o’sishni ta‘minlash bo’yicha chora-
tadbirlar ko’rilmoqda, tegishli islohotlar olib borilmoqda.
Xususan,
Taraqqiyot
strategiyasida
ijtimoiy
sohani
rivojlantirishga
yo’naltirilgan aholi bandligi va real daromadlarini izchil oshirib borish, ijtimoiy
himoya va sog’lig’ini saqlash tizimini takomillashtirish, xotin-qizlarning ijtimoiy-
siyosiy faolligini oshirish, arzon uy-joylar barpo etish, yo’l-transport, muhandislik-
kommunikatsiya va ijtimoiy infratuzilmalarni rivojlantirish hamda modernizatsiya
qilish bo’yicha maqsadli
dasturlarni amalga oshirish, ta’lim, madaniyat, ilm-fan,
adabiyot, san’at va sport sohalarini rivojlantirish, yoshlarga oid davlat siyosatini
takomillashtirish qat’iy belgilab qo’yildi.
Ushbu majmuani tayyorlashda ma‘ruza va seminar mashgulotlari
texnologiyalarini ishlab chiqish usul va vositalari, ularning muhim belgilaridan iborat
ta‘limni texnologiyalash qoidalarini hisobga olgan holda, fanning predmeti va asosiy
vazifalari, fanni Namangan davlat universitetida o’qitish xususiyatlari e‘tiborga
olingan, hamda mualliflarning o’quv-pedagogik va ilmiy-uslubiy tajribalaridan
foydalanilgan.
O’quv uslubiy majmuaning maqsadi - talabalarga iqtisodiyot nazariyasi
tushunchalari va tamoyillari, milliy iqtisodiyot, bozor iqtisodiyoti, uning shakllanish
va rivojlanish tendensiyalari hamda qonuniyatlari borasidagi
asosiy bilimlarni
singdirish, iqtisodiy tafakkur usullarini, bilim, malaka va ko’nikmalarini
shakllantirishdan iborat.
O’quv uslubiy majmua yordamida o’quv fanini o’zlashtirish jarayonida amalga
oshiriladigan masalalar doirasida talabalarning milliy iqtisodiyot amal qilishining
mikro parametrlarini, bozor iqtisodiyoti sharoitida korxonalar va uy xo’jaligi
faoliyatining tamoyillarini, shart-sharoitlarini va omillarini bilib olishi, ma‘ruza
materiallarini o’zlashtirish va chuqur tahlil qila olish asosida milliy iqtisodiyotiga oid
nazariy materiallarga tayangan holda amaliy va ilmiy faoliyatni mustaqil tashkil etish,
O’zbekistondagi islohotlar strategiyasining ustuvor yo’nalishlari, uning natijasi,
milliy
iqtisodiyotning asosiy, tub muammolari, korxonalar va uy xo’jaligi uchun
maqsadga muvofiq faoliyat yo’nalishlarini tahlil qilish ko’nikmalariga ega bo’lishi
hamda milliy iqtisodiyotning amal qilishi, korxonalarning boshqarilishi va bozor
islohotlarini chuqurlashtirish va bozor munosabatlarini takomillashtirish bilan bog’liq
ilmiy va amaliy faoliyatni mustaqil tashkil etish malakalariga ega bo’lishi nazarda
tutiladi.
6
«Iqtisodiyot nazariyasi» umumiqtisodiy fan bo’lishi bilan birga amaliy
iqtisodiyot sohalaridagi barcha muammolarni o’rganadi,
milliy iqtisodiyot
rivojlanishining shart-sharoitlari va omillarini tadqiq etadi, bozor iqtisodiyotiga
asoslangan ijtimoiy-iqtisodiy tizim xususiyatlarini yoritib beradi. Shuning uchun bu
fanni o’rganish nazariy va amaliy ahamiyatga egadir.
Talabalarning «Iqtisodiyot nazariyasi» fanini dastur doirasida yetarli saviya va
darajada o’zlashtirishlari uchun o’qitishning ilg’or va zamonaviy interfaol usullaridan
foydalanish, yangi axborot texnologiyalarini ushbu jarayonga tadbiq etishga e‘tibor
qaratish muhim ahamiyatga egadir. Fanni o’zlashtirishda, fan bo’yicha bilim berishda
va o’qitishda ko’rgazmali qurollar, tarqatma materiallar,
interaktiv va masofaviy
usullardan keng foydalaniladi. Shuningdek, O’zbekiston Respublikasi Statistika
Davlat qo’mitasi, Iqtisodiyot vazirligi, tarmoq ilmiy tadqiqot muassasalari tahliliy
materiallari, xalqaro iqtisodiy tashkilotlar va ilmiy-tadqiqot markazlari tomonidan
nashr etilgan statistik va tahliliy to’plamlar materiallari ishlatiladi.
