447
iqtisodiyotni boshqarish va tartibga solishda davlat va bozor rolining nisbati bo’yicha
keskin farqlanadi. Masalan, bir iqtisodiy tizim ko’proq davlat tomonidan boshqarishga
tayansa, boshqasi bozor mexanizmi orqali tartiblashga ustunlik beradi. Mustaqil
taraqqiyot davrida «mamlakatimizning uzoq va davomli manfaatlari taqozo etgan
holatlarda va keskin vaziyatlardan chiqish, ular tug’diradigan muammolarni hal etish
zarur bo’lganda iqtisodiyotda davlat tomonidan boshqaruv usullari qo’llandi va
bunday yondashuv oxir-oqibatda o’zini to’la oqladi»
118
.
Iqtisodiyotni tartiblashda bozor mexanizmining roli 5-mavzuda ko’rib chiqilgan
edi. Bu mavzuda bozor iqtisodiyotini tartibga solishda davlatning rolini ochib berishga
harakat qilinadi.
Dastlab davlatning milliy iqtisodiyotdagi roli tahlil qilinib, keyin uning iqtisodiy
vazifalari tavsifi beriladi. Mavzuning so’ngida davlatning iqtisodiyotga ta’sir qilish
usul va vositalari bayon etiladi.
