66
Shu nuqtai nazardan qaralganda, o‘quv jarayonida talabaning mustaqil
tarzdagi harakati, qo‘yilgan vazifani o‘zlashtirishdagi faolligi, qiziqishi uni
bilimlarni eegallash samaradorligini oshiradi. Ayniqsa, o‘quv jarayonini kredit-
modul tizimida tashkil etishda talaba tegishli darajani olish uchun belgilangan
miqdordagi kredit-soatlarni to‘plashi zarur bo‘ladi. Masalan, AQSH da qabul
qilingan USCS (US Credit System) tizimida kredit-soat – bu o‘qish vaqtiga
asoslangan o‘lchov hisoblanib, bakalavriat bosqichida 1 kredit-soat talabaning
semestr davomida har haftadagi 1 akademik soat auditoriya ishiga teng. Bundan
tashqari har bir auditoriya mashg‘ulotiga 2 soat (100 minut) mustaqil ish qo‘shib
beriladi. Magistraturada, va ayniqsa, doktoranturada bu mehnat hajmida mustaqil
ishning hissasi ko‘payib borishi nazarda tutiladi. Demak, o‘quv jarayoni shunday
tashkil qilinishi kerakki, bunda talaba ko‘proq mustaqil harakatlar qilishi kerak
bo‘lsin. Talabalar har bir darsga faol qatnashishi kerak, chunki talaba qandaydir ish
bajarishni ongliroq ravishda o‘zlashtiradi va bu bilim xotirasida chuqurroq
o‘rnashib qoladi. Ba’zi bir qobiliyatlarga esa, masalan mustaqillik va individual
ravishda o‘rganish kabi qobiliyatlarga faqat shu tarzda erishish mumkin xolos.
Buning uchun, o‘qituvchi juda yaxshi uslubiy qobiliyatlarga va ko‘nikmalarga ega
bo‘lishi kerak. Mashg‘ulot o‘tkazishda o‘qituvchi talabalarning faolligini
oshirishga qaratilgan usullardan foydalanib dars rejasini tuzish va mavzuning
murakkabligiga qarab yangi pedagogik texnologiyalar metodlaridan foydalangan
holda tashkil etishi maqsadga muvofiqdir.
