|
Pedagogs international research journal
Pdf ko'rish
|
| bet | 174/194 | | Sana | 17.12.2023 | | Hajmi | 5,34 Mb. | | #121843 |
Bog'liq 98-71-PB4.995
www.pedagoglar.uz
Volume-26, Issue-2, January - 2023
175
MAKTABGACHA TA'LIM TASHKILOTLARIDA BOLALARNI
MASHG'ULOTDAGI FAOLIYATLARINI BAHOLASH MEZONLARI
Haydarova Kamarbasta
Andijon davlat pedagogika institutining
Ta’lim va tarbiya nazariyasi
Maktabgacha ta’lim 2- kurs magistranti
Annotatsiya. Mazkur maqolada maktabgacha ta’lim tashkilotlarida bolalar
ta’limiy faoliyatini tashkil etishning maqsad va vazifalari, maktabgacha yoshdagi
bolalar faoliyatlarini baholash mezonlari xususida so‘z yuritiladi.
Tayanch tushunchalar: maktabgacha yosh, mashg‘ulotlar, o‘yin, faoliyat,
ta’lim, tarbiya...
Maktabgacha ta’lim tizimini yanada takomillashtirish, moddiy-texnika
bazasini mustahkamlash, maktabgacha ta’lim muassasalari tarmog‘ini kengaytirish,
malakali pedagog kadrlar bilan ta’minlash, bolalarni maktab ta’limiga tayyorlash
darajasini tubdan yaxshilash, ta’lim-tarbiya jarayoniga zamonaviy ta’lim dasturlari va
texnologiyalarini tatbiq etish maqsadida O‘zbekiston Respublikasi Prezidentining
“2017-2021 yillarda maktabgacha ta’lim tizimini yanada takomillashtirish chora-
tadbirlari to‘g‘risida”gi Qarorida ham ilg‘or xorijiy tajribani hisobga olgan holda
bolalarni har tomonlama intellektual, axloqiy, estetik va jismoniy rivojlantirish
sharoitlarini yaratish, maktabgacha ta’lim sifatini oshirish, maktabgacha ta’lim
tashkilotlarida bolalarni maktabga sifatli tayyorlashni tubdan yaxshilash, ta’lim-tarbiya
jarayoniga jahon amaliyotida keng qo‘llaniladigan zamonaviy ta’lim dasturlari va
texnologiyalarini joriy etish uchun asosiy vazifalari belgilab berildi.
Turli yosh guruhlarida maktabgacha yoshdagi bolaning mustaqilligi, moslashishi
ancha oshib boradi. SHunga muvofiq tarzda ta’lim-tarbiyaviy ishlarning vazifalari,
mazmuni, vositalari o‘zgaradi. Bolalarning maktabgacha yoshning oxiriga borib
erishgan rivojlanish darajasi ular bilan olib boriladigan ta’lim-tarbiya ishini
murakkablashtirish imkonini beradi.
Ijtimoiy-tarixiy tajribani o‘zlashtirish faol ish jarayonida yuz beradi. Faollik
bolaga xos xususiyatdir. Tarbiya jarayonidagi faollik asosida faoliyatning har xil turlari
shakllanadi. Ulardan asosiylari: munosabatda bo‘lish faoliyati, bilish, buyumlar bilan
bo‘ladigan faoliyat, o‘yin, oddiy mehnat va o‘quv faoliyatlaridir. Ta’lim-tarbiya orqali
amalga oshiriladigan faoliyatlarni maktabgacha yoshdagi bolalar birdaniga o‘zlashtirib
olmaydi, ularni bolalar tarbiyachi rahbarligida sekin-asta egallab boradilar.
Bolalar hayotining birinchi yilidanoq faoliyatning eng oddiy turlari undagi
shaxsiy qobiliyatlar, xususiyatlar, tevarak-atrofga ma’lum bir munosabatning
|
| |
