80
8.4. Investiciyalardıń ekonomikalıq ónimdarlıǵın bahalaw
Ulıwma alǵanda ónimdarlıq belgili bir nátiyjelerge erisiwdi
ańlatadı. Ol sarıplanǵan shıǵınlar hám alınǵan nátiyjelerdiń qatnası
tiykarında anıqlanadı. Shıǵınlar qansha kem hám payda qansha kóp
bolsa, ónimdarlıqta sonsha joqarı boladı.
Investiciyalardıń ekonomikalıq ónimdarlıǵı pútkil óndiris
ónimdarlıǵınıń strukturalıq bólegi bolıp tabıladı. Hár qıylı dárejedegi
xojalıq xızmetinde ilajı barınsha kóbirek payda alıw, dáramat keltiriw
investiciyalardıń tiykarǵı wazıypası etip belgilenedi.
Bunday
qaǵıydadan shetke shıǵıw resurslardı joq etiw, jámiyettiń aldıńǵı hám
házirgi miynetin joqqa shıǵarıwǵa alıp keliwi múmkin.
Investiciyalardıń ekonomikalıq ónimdarlıǵın bahalaw zárúrligi,
qosımsha kapital qoyılmalar kirgiziliwin talap etuwshi jańa qurılıs,
aldınnan bar óndiristi keńeytiw, qayta tiklew hám texnikalıq
jaqtan
qayta
qurallandırıw,
óndiristi
zamanagóylestiriw
hám
shólkemlestiriwshi-texnikalıq ilajlardı islep shıǵıw sıyaqlı barlıq
jaǵdaylarda júzege keledi. Ayırım waqıtlarda ónimlerdiń jańa túrin
islep shıǵarıw da investiciya hám basqa qarjılar engiziliwin, demek,
shıǵın hám nátiyjeler qatnasın aldınnan bahalawdı talap etedi.
Investiciyalardıń
ekonomikalıq
ónimdarlıǵın
bahalawda
kárxanalar eki wazıypanı sheshiwleri kerek boladı: