O‘zbekiston Respublikasi iqtisodiyotiga TMKlarni jalb qilish siyosati

95 
bo‘lgan muhim ustuvor yo‘nalish ekanligini qayd etib o‘tdilar
5
. 
Xorijiy investitsiyalarni jalb etmay, ayniqsa, yetakchi tarmoqlarda 
xorij investitsiyalari ishtirokini kengaytirmay turib, iqtisodiyotda tarkibiy 
o‘zgarishlarni amalga oshirish va uni modernizatsiya qilish, korxonalarni 
zamonaviy texnika bilan qayta jihozlash hamda raqobatdosh mahsulot 
ishlab chiqarishni yo‘lga qo‘yish mumkin emas. Mamlakatimiz 
iqtisodiyotiga xorijiy investitsiyalarning jalb etilishi uning iqtisodiy 
imkoniyatlarining kengayishini tezlashtirib, barcha sohalarda ichki 
imkoniyat va rezervlarni ishga solish, yangi texnika va texnologiyani, 
eksportbop tovarlarni o‘zlashtirish, ularni ishlab chiqarishni yo‘lga 
qo‘yish orqali davlatimiz iqtisodiy qudratini ta’minlashda muhim 
ahamiyat kasb etadi.
Milliy iqtisodiyotni rivojlantirishda xorijiy investitsiyalarning 
ahamiyati nihoyatda katta bo‘lib, u quyidagilar bilan izohlanadi: 
–
birinchidan, xorijiy investitsiyalar ishlab chiqarishga zamonaviy 
texnika va texnologiyalarni joriy etib, eksportga mo‘ljallangan 
mahsulotlarni ishlab chiqarishni rivojlantiradi; 
–
ikkinchidan, import o‘rnini bosuvchi tovar ishlab chiqarishni yo‘lga 
qo‘yish va buning uchun xorijiy investitsiyalarni iqtisodiyotning ustuvor 
sohalariga yo‘naltirish va pirovardida aholining me’yordagi turmush 
darajasini ta’minlash imkonini yaratadi; 
–
uchinchidan, kichik biznesni rivojlantiradi va qishloq xo‘jaligi 
ishlab chiqarishini kengaytirish orqali o‘sib borayotgan aholini ish joylari 
bilan ta’minlaydi;
–
to‘rtinchidan, 
korxonalarning 
eskirgan 
ishlab 
chiqarish 
quvvatlarini, moddiy texnika bazasini yangilaydi va texnik qayta 
qurollantiradi. 
Mamlakatimizda xorijiy investorlar uchun yaratilgan qulay shart-
sharoitlar tufayli iqtisodiyotimizga xorij investitsiyalarini jalb qilish hajmi 
yildan-yilga ortib bormoqda.
Rivojlanayotgan mamlakatlar iqtisodiyotini rivojlantirish uchun o‘z 
kapitalini qo‘shishga tayyor bo‘lgan TMKlar investorlarining kirib kelishi 
shu davlatlarning investitsion muhitiga bog‘liqdir. Investitsion muhit deb 
kapital qo‘yilmani va uni samarali foydalanish imkoniyatini vujudga 
keltiruvchi umumiy siyosiy, iqtisodiy, huquqiy, ijtimoiy va boshqa 
omillarni ta’minlab berilishiga aytiladi. 
5
Каримов И.А. “Барча режа ва дастурларимиз ватанимиз тараққиётини юксалтириш, халқимиз фаровонлигини 
оширишга хизмат қилади” //Халқ сўзи, 2011 йил 22 январь. 

96 
Hozirgi kunda O‘zbekiston hududiga TMK kirib kelishi uchun qulay 
investitsion muhit yaratilgan. Buni biz respublikani siyosiy tinchligida, 
barqaror iqtisodiy rivojlanishida, xorijiy investorlar uchun yaratilgan qator 
imtiyozlarda va boshqa holatlarida ko‘rishimiz mumkin. 
Xorijiy investitsiyalar ishtirokida tashkil etilgan korxonalar (savdo, 
vositachilik, xomashyo yetkazib beruvchilardan tashqari) ro‘yxatdan 
o‘tgan kundan boshlab: 
–
daromad (foyda) solig‘idan birinchi yili 25 foizlik qismidan, 
ikkinchi yil 50 foizlik qismidan, uchinchi yil 100 foiz ozod qilinadi,
qishloq hududida esa birinchi yildan boshlab bunday soliqdan 100 foiz 
ozod qilinadi; 
–
mulk solig‘idan 2 yilga ozod qilinadi; 
–
ishlab chiqargan mahsulotining 30 foizdan ortig‘i eksportga 
chiqarilsa, 
50 foiz daromad solig‘idan (foyda solig‘i), 15-30 foizi eksportga 
chiqarilsa, 
30 foiz daromad (foyda) solig‘idan ozod qilinadi; 
–
ishlab chiqarish bilan band bo‘lsa, yer solig‘idan 2 yilga ozod 
qilinadi. 
O‘zbekiston Respublikasida alohida sohalarga imtiyozlar berish ham 
ko‘zda tutilgan. Unga ko‘ra, neft va gaz konlarini ochish va qidirish 
ishlariga xorijiy kompaniyalarni jalb qilgan korxonalar ushbu ishlarni 
amalga oshirish davrida barcha soliqlardan, shuningdek, zarur uskunalarni 
import qilishda bojxona to‘lovlaridan ozod qilinadi. 
Mazkur sohadagi korxona xorijlik hamkorlar bilan birgalikda ochilsa:
–
neft va gaz qazib chiqarilgan kundan boshlab 7 yilga daromad 
(foyda) solig‘idan; 
–
xorijiy hamkorlar ulushiga mansub kapitaldan olinadigan daromad 
va mulk solig‘idan ozod qilinadi. 
–
Yengil sanoat sohasida: 
–
tayyor mahsulot ishlab chiqaruvchi korxonalar qo‘shimcha qiymat 
solig‘idan tashqari barcha soliqlardan ozod qilinadi; 
–
o‘z ehtiyoji uchun ishlab chiqarish uskunalari, ehtiyot qismlarni 
import qilishda korxonalar bojxona to‘lovlaridan ozod qilinadi. 
O‘zbekiston Respublikasi Prezidentining 2005-yil 11-apreldagi 
“To‘g‘ridan to‘g‘ri xususiy xorijiy investitsiyalarni jalb etishni 
rag‘batlantirish borasidagi qo‘shimcha chora-tadbirlar to‘g‘risida”gi 
farmoni mamlakatimizda investitsiya muhitini yanada yaxshilash, 
xususiylashtirish, ishlab chiqarishni modernizatsiya qilish, texnik jihatdan 

97 
qayta jihozlash va rekonstruktsiya qilish, ortiqcha ishchi kuchi mavjud 
bo‘lgan mintaqalarda yangi ish joylarini yaratish dasturlarini amalga 
oshirishga to‘g‘ridan to‘g‘ri xususiy xorijiy investitsiyalarni keng jalb 
etish, shuningdek, xorijiy investorlar uchun ishonchli huquqiy himoya va 
kafolatlarni ta’minlashga qaratilgan. Unga ko‘ra, to‘g‘ridan to‘g‘ri xususiy 
xorijiy investitsiyalarni jalb etadigan iqtisodiyot tarmoqlari korxonalari 
asosiy faoliyati bo‘yicha daromad solig‘i, mulk solig‘i, ijtimoiy 
infratuzilmani rivojlantirish va hududlarni obodonlashtirish solig‘i, 
mikrofirma va kichik korxonalar uchun belgilangan yagona soliq 
to‘lashdan, shuningdek, Respublika yo‘l jamg‘armasiga majburiy 
ajratmalar to‘lashdan xorijiy investitsiyalar hajmi quyidagicha bo‘lganda 
ozod qilinadi: 
– 300 ming AQSh dollaridan 3 million AQSh dollarigacha - 3 yil 
muddatga; 
– 3 milliondan ortiq AQSh dollaridan 10 million AQSh dollarigacha - 
5 yil muddatga; 
– 10 million AQSh dollaridan ortiq bo‘lganda - 7 yil muddatga. 
O‘zbekiston Respublikasiga TMKlar investorlarini jalb qilishda 
quyidagi omillar ham muhim rol o‘ynaydi: 
– O‘zbekiston hududining tabiiy resurslarga – neft, tabiiy gaz, qurilish 
materiallari, oltin, mis va boshqa qimmatbaho metallarga boyligi; 
– Respublikada ishlab chiqarish va boshqaruv sohasidagi yangi 
texnologiyani tezda o‘zlashtirib oluvchi malakali mutaxassis xodimlarning 
mavjudligi; 
– O‘zbekiston Respublikasi nisbatan arzon ishchi kuchiga ega 
ekanligi; 
– O‘zbekiston hududida ichki bozorlarning kengligi va ko‘pligi. 
Respublikada ishlab chiqarish korxonalarini xususiylashtirish 
jarayonlari jadal sur’atlar bilan olib borilayotganligi va ularda TMKlar 
investorlarining to‘liq qatnashish imkoniyatining borligi va hokazo. 
Respublikada 
rivojlangan 
davlatlarning 
TMKlari 
tomonidan 
kiritilayotgan kapital mablag‘lar tizimining o‘sishi sanoat uchun zarur 
bo‘lgan zamonaviy texnik uskunalarni, texnologiyalarni sotib olish 
imkoniyatini bermoqda. 
Hozirgi vaqtda O‘zbekistonda jahondagi yetakchi rivojlangan 
mamlakatlarning yuqori mavqega ega kompaniyalari bilan teng huquqli va 
o‘zaro manfaatli munosabatlar o‘rnatishga, jahon standartlari darajasida 
raqobatbardosh mahsulot ishlab chiqarishni maqsad qilib, sifat jihatidan 
mukammal yangi korxonalarning yaratilishiga asoslangan ilgari borish 

98 
strategiyasi o‘zining ijobiy natijalarini bermoqda. Xususan, 1996-yilda 
Janubiy Koreyaning “DEU” korporatsiyasi bilan hamkorlikda 
“O‘zDEUavto‘ qo‘shma korxonasining tashkil etilishi natijasida 
O‘zbekiston ishlab chiqarishning murakkab, eng ilg‘or texnologiyalar 
talab qiladigan, yuksak darajadagi qo‘shimcha qiymatga ega tayyor 
mahsulot turini o‘zlashtirib, dunyodagi sanoqli avtomobilsoz davlatlar 
qatoridan o‘rin oldi. 
Mazkur korxona O‘zbekiston eksportini rivojlantirishga ham muhim 
hissa qo‘shmoqda. Korxonada ishlab chiqarilgan avtomobillarning ko‘p 
qismi Rossiya va boshqa MDH mamlakatlariga eksport qilinadi. Hozirgi 
vaqtda Rossiya va MDH mamlakatlarida qo‘shma korxonaning o‘rtacha 
bozor ulushi 3,9 %ni tashkil qiladi. Korxonaning MDH mamlakatlaridagi 
dilerlik tarmog‘i 253 ta dilerlik va 320 ta savdo-servis markazlaridan 
iborat. 2010-yilda Uz-Daewoo avtomobillar sotuvi Rossiyada 45 %, 
Ukrainada 20 %, Belorussiya va Qozog‘iston bozorlarida bir necha 
barobar oshdi
6
.
O‘zbekiston mashinalari ommaviyligi bo‘yicha dunyodagi mashhur 
Opel, Peugeot, Renault, Toyota, Nissan, Kia, Suzuki, Hyundai, Skoda 
kabi ishlab chiqaruvchilarning qator yetakchi modellaridan o‘zib ketdi. Bu 
“GM Uzbekistan” avtomobillarining yuqori obro‘ga egaligi va 
ishonchliligidan dalolat beradi. 
Rossiya Iqtisodiy rivojlanish vazirligi ma’lumotlariga ko‘ra, 2011-
yilning birinchi choragida Rossiyaga avtomobillarning eng yirik 
eksportchilari orasida O‘zbekiston uchinchi o‘rinni egallaydi. 2010-yilda 
Rossiyaga asosiy avtomobil eksport qiluvchi mamlakatlarga Yaponiya 
(59,96 ming), Germaniya (19,56 ming), O‘zbekiston (18,62 ming), 
Janubiy Koreya (18,47 ming) va Buyuk Britaniya (17,08 ming) kiradi
7
. 
Avtomobilsozlik sohasida boshqa xorij korporatsiyalari bilan ham 
hamkorlik kengayib bormoqda. 2011-yilda Samarqand viloyatida 
Germaniyaning “MAN Truck & Bus AG” kompaniyasi bilan hamkorlikda 
og‘ir yukli tijorat texnikasini ishlab chiqarish bo‘yicha yangi “JV MAN 
Auto-Uzbekistan” qo‘shma korxonasining qurilishi boshlandi. Loyiha 
doirasida uzoq muddatli istiqbolda yiliga 20 ming birlikkacha ishlab 
chiqarish quvvatlari yaratiladi
8
.
O‘zbekiston avtomobilsozligida, shuningdek, Yaponiyaning “Isuzu 
Motors” korporatsiyasi bilan hamkorlikda “Samavto” korxonasi tashkil 
6
 
http://www.uzdaily.uz/PVKXM/articles-id-6685.htm
 
7
http://uzavtosanoat.uz/content/view/183/1/lang,ru/ 
8
 
http://www.12.uz/ru/news/show/economy/5471/#
 

99 
etilgan bo‘lib, u yiliga 3000 dan ortiq “Isuzu” rusumli avtobuslar va 500 
dan ortiq og‘ir yuk mashinalari ishlab chiqaradi. 
O‘zbekiston iqtisodiyotida Yaponiya TMKlarining faoliyati alohida 
diqqatga sazovordir. 1993-1994-yillarda “Marubeni Korporeyshn”, 
“Mitsubisi Korporeyshn”, “Sumitomo Korporeyshn” kabi yetakchi 
kompaniyalarning 
vakolatxonalari 
ochildi. 
Ushbu 
kompaniyalar 
ishtirokida neft-gaz, kimyo sanoati, qishloq xo‘jaligi, qurilish texnikasini 
ishlab chiqarish,
energetika va to‘qimachilik sohalarini rivojlantirish va 
qator qo‘shma korxonalarni yaratish, mamlakat ijtimoiy infratuzilmasini 
rivojlantirish, transport tizimini modernizatsiyalash loyihalari amalga 
oshirildi.
So‘nggi yillarda xorijiy TMKlarning O‘zbekiston neft-gaz sanoatiga 
qiziqishi kuchayib bormoqda. Eng yuqori faollikni Rossiya va Osiyo 
kompaniyalari ko‘rsatmoqda. Hozirgi kunda “Gazprom” va “Lukoyl” kabi 
Rossiya kompaniyalarining O‘zbekiston yoqilg‘i-energetika majmuasiga 
kiritgan sarmoyalari 3 mlrd. AQSh dollaridan ortadi. “Lukoyl” 
kompaniyasi 2004-yildan boshlab O‘zbekistonning neft-gaz tarmog‘iga 
1,5 mlrd. AQSh dollaridan ortiq investitsiya kiritdi. Yaqin 5-6 yil 
davomida kompaniyaning O‘zbekistonga kiritgan investitsiyalari 5 mlrd. 
AQSh dollarini tashkil etadi.
O‘z navbatida “Gazprom” kompaniyasi 2006-yil yanvarda 
“O‘zbekneftegaz” MXK bilan Ustyurt mintaqasida 7 ta investitsion
blokda va mamlakatning g‘arbiy qismida geologik o‘rganish ishlarini 
o‘tkazish 
bo‘yicha 
shartnomalar 
imzolagan. 
2007-2011-yillarda 
kompaniya 610 mln. AQSh dollari mablag‘ sarflashni mo‘ljallagan bo‘lib, 
O‘zbekiston gazini xarid qilishda yetakchi sherik hisoblanadi.
Hozigi vaqtda “O‘zbekneftgaz” MXK, Lukoyl (Rossiya), CNPC 
(Xitoy), KNOC (Janubiy Koreya) va Petronas (Malayziya) kompaniyalari 
ishtirokida Orol dengizining O‘zbekiston qismida neft va gaz konlarini 
geologiya-qidiruv va o‘zlashtirish uchun Mahsulotni bo‘lish shartnomasini 
tayyorlash bo‘yicha tuzilgan xalqaro konsern ishi alohida diqqatga 
sazovor. 
2009-yil 7-aprelda “O‘zbekneftgaz” MXK bilan Malayziyaning 
“Petronas” va Janubiy Afrika Respublikasining “Sasol” kompaniyasi 
o‘rtasida O‘zbekiston Respublikasida sintetik suyuq yoqilg‘i ishlab 
chiqarish loyihasini amalga oshirishning asosiy tamoyillari to‘g‘risidagi 
bitim hamda o‘zaro hamkorlikka oid ahdlashuv memorandumi imzolandi
9
. 
9
http://www.gov.uz 

100 
“Petronas” korporatsiyasi tomonidan O‘zbekiston iqtisodiyotiga jami 2 
mlrd. AQSh dollari miqdorida sarmoya kiritilishi rejalashtirilgan.
2009-yil 11-mayda “O‘zbekneftgaz” MXK va Koreya milliy neft 
korporatsiyasi (KNOC) o‘rtasida “O‘zbekiston Respublikasi Farg‘ona 
mintaqasining Namangan– Тargoch va Chust-Pop investitsion bloklarida 
geologiya-qidiruv ishlarini o‘tkazish to‘g‘risida”gi kelishuv imzolandi. 
Kelishuvda Koreyas tomonidan besh yil mobaynida ikki bosqichda 
mazkur bloklarda geologiya-qidiruv ishlarini olib borish ko‘zda tutilib, 61 
mln. AQSh dollariga yaqin sarmoyalarni o‘zlashtirish mo‘ljallangan.
Shunday qilib, O‘zbekiston Respublikasida iqtisodiyotning ustuvor 
tarmoqlarini rivojlantirish uchun TMKlarni va xorijiy investitsiyalarni jalb 
qilish siyosati mavjud mablag‘lardan vaqt va imkoniyatdan samarali 
foydalanishga, amaldagi shart-sharoitlardan kelib chiqib, boyliklarni 
samarali joylashtirish va shu yo‘l bilan respublika iqtisodiyotini 
yuksaltirish, uning jahon iqtisodiy tizimiga qo‘shilishiga rag‘batlantirish 
yo‘li bilan investitsiyalarni iqtisodiyotning ustuvor tarmoqlariga jalb 
qilishga hamda ulardan samarali foydalanishga qaratilgan.

Download 3,95 Mb.